Video
Read full review
2010-01-29
27 views
星期三, 約好舊同學 (共5人) 到又一城八月花飲茶.一早打電話去book, 但都係個句, lunch唔係太多人, 所以其實唔book都得.由於我早左到, 我只好坐低先, 話唔使點茶住, 想等齊人先. 之後經理行過, 就問d侍應點解冇茶, 咁就話返俾佢聽, 經理聽完就即刻叫個侍應點都要serve一壺熱水先. 我想講, 呢個經理都幾細心, 我冇叫茶都留意到, 果然係美心...朋友到齊, tick好點心. 就交俾佢地. 點知, 佢地竟然落錯單, 仲要係到個樣野上左台我地先留意到. 我地好sure我地冇tick錯, 因為有double check. 不過我地冇complain, 因為我地都會食上錯左既點心. 唔緊要啦. 咁就點第二次啦, 又tick過. 點知, 今次就漏落單一樣野. 唉... 呢樣野就唔係好得咯~ 成鬼日咁唔小心既... 同埋想講, 呢間個d與眾不同既點心名同朗豪個間粵江春一樣. 我知都係美心, 但就覺得... 有點頹囉... 可以creative d (因為你改到d名係咁都係為左搞gimmick, 令人覺得你有花心思落d食物名到嘛.)... 一係就唔好咁與眾不同囉...算啦
一早打電話去book, 但都係個句, lunch唔係太多人, 所以其實唔book都得.
由於我早左到, 我只好坐低先, 話唔使點茶住, 想等齊人先. 之後經理行過, 就問d侍應點解冇茶, 咁就話返俾佢聽, 經理聽完就即刻叫個侍應點都要serve一壺熱水先. 我想講, 呢個經理都幾細心, 我冇叫茶都留意到, 果然係美心...
朋友到齊, tick好點心. 就交俾佢地. 點知, 佢地竟然落錯單, 仲要係到個樣野上左台我地先留意到. 我地好sure我地冇tick錯, 因為有double check. 不過我地冇complain, 因為我地都會食上錯左既點心. 唔緊要啦. 咁就點第二次啦, 又tick過. 點知, 今次就漏落單一樣野. 唉... 呢樣野就唔係好得咯~ 成鬼日咁唔小心既...
同埋想講, 呢間個d與眾不同既點心名同朗豪個間粵江春一樣. 我知都係美心, 但就覺得... 有點頹囉... 可以creative d (因為你改到d名係咁都係為左搞gimmick, 令人覺得你有花心思落d食物名到嘛.)... 一係就唔好咁與眾不同囉...
算啦, 講返食物啦.
檸香叉燒酥
細細個. 上面都算有幾多芝麻. 個皮都幾酥. 個餡都係熱既. 所以好味. 但食唔出有檸香.
牛肉球
d肉軟硬適中, 都算有頗多馬碲. 不過唔係好特別.
蝦餃 (平d個款)
個皮唔厚, 但絕對唔夠薄. 不過都算乾身. d蝦爽口. 不過都係唔係好特別.
蝦腸
有d surprised, 因為有好多蝦 (同埋每條都幾大條下.). 腸粉皮幾薄幾滑, 加上豉油, 正!
類似乳豬拼盤既野
佢一上台, 我呆左. totally unexpected! 因為一邊係西式salad (with olive oil), 一邊係乳豬 (有4塊). salad我冇試, 唔知味道點. 乳豬就唔係好脆, 同埋比較難咬. 不過係幾有趣既.
(小心) 流心奶王包
well, 不嬲都知佢好流心. 所以食個時都好小心. 今日當然冇使我失望 (我指流心呢方面), 但可惜唔夠熱. 只係微暖. 咁就即刻要扣分. 噢...
湯煮豆苗
賣相同味道普通. 冇comment (因為冇impression).
general: 食物味道同其他既美心一樣, 都係幾好 (definitely above standard!). 只可惜就係因為一樣, 所以唔覺佢特別, 所有野都係within expectation. 價錢較高都只不過係坐落於又一城罷了.
Post
