Video
Read full review
2009-09-10
58 views
好, 唔好比佢停, 實行一不離二, 繼續寫! 最近某日想坐底飲杯野, 但又唔想去d好嘈嘅劈場, 點算好呢? 於是就左諗右諗, 最後師傅忽然醒起朗豪坊頂樓, 好似有d 餐吧(餐廳酒吧), 於是約埋車匙姐姐, 膽粗粗上左去! 繞場一周後, 最後師傅鐘意呢間個格局, 就入左去坐!入到去環境幾舒服, 同一般酒吧氣氛唔同, 靜靜地好柔和, 齋坐傾計已經一絕! 師傅第一次去就淨係同車匙姐姐摸下酒杯底, 絕對冇摸手仔更加冇摸大肶呀, 亦無試到食物! 接住第二次再去, 就有柯打食物, 有黑青口, 海鮮凍盤同其他, 但由於師傅冇咩點仔細咁食, 所以不便評論! 但記得黑青口就好大個殼, 而肉身好細隻; 海鮮凍盤就有蝦, 生蠔, 龍蝦仔同翡翠螺等, 由於冇咩點食, 所以都係唔講太多, 但見友人們都食得津津有味, 心想都應該唔差!最後一次就係師傅自己單拖, 諗住上左去飲杯酒; 飲飲下忽然想搵d野咬下, 最後就揀左芝士煙肉焗生蠔兩隻! 焗蠔係師傅一向最鐘意食嘅一道菜, 所以對呢道菜特別有期望! 等左一陣兩隻芝士煙肉焗生蠔就擺左喺師傅面前! 芝士煙肉焗生蠔就咁睇落去都幾大隻, 加上見咁多煙肉同芝士喺面, 應該唔
入到去環境幾舒服, 同一般酒吧氣氛唔同, 靜靜地好柔和, 齋坐傾計已經一絕! 師傅第一次去就淨係同車匙姐姐摸下酒杯底, 絕對冇摸手仔更加冇摸大肶呀, 亦無試到食物! 接住第二次再去, 就有柯打食物, 有黑青口, 海鮮凍盤同其他, 但由於師傅冇咩點仔細咁食, 所以不便評論! 但記得黑青口就好大個殼, 而肉身好細隻; 海鮮凍盤就有蝦, 生蠔, 龍蝦仔同翡翠螺等, 由於冇咩點食, 所以都係唔講太多, 但見友人們都食得津津有味, 心想都應該唔差!
最後一次就係師傅自己單拖, 諗住上左去飲杯酒; 飲飲下忽然想搵d野咬下, 最後就揀左芝士煙肉焗生蠔兩隻! 焗蠔係師傅一向最鐘意食嘅一道菜, 所以對呢道菜特別有期望! 等左一陣兩隻芝士煙肉焗生蠔就擺左喺師傅面前! 芝士煙肉焗生蠔就咁睇落去都幾大隻, 加上見咁多煙肉同芝士喺面, 應該唔錯啩; 點知一放入口發覺大部份都係洋蔥, 師傅即時胃口大倒退, 加上煙肉似你(好咸), 芝士唔算香, 絕對唔啱師傅口味, 最後淨係挑隻蠔出黎食, 發覺蠔身好細隻, 幸好就唔老亦算新鮮, 都算唔差, 只嘆一句唔啱口味啦!
總括而言食物質素合格, 師傅不能話佢好味, 皆因食得太少, 難下定論; 環境當然舒服, 服務亦算友善, 而價錢又唔算好平, 但師傅覺得合理! 師傅覺得呢度飲野傾計真係好正, 絕對係一個好地方; 如果怕悶, 呢度仲有枱波打, 又有飛鏢玩, 算係應有盡有! 有機會師傅一定會再試真d呢度食物嘅質素, 一定會再黎而笑臉會值得一比!
Post
