HK Pasta Master (Closed)

今日收工經開尖沙咀， 呢度有間鞋店開倉行咗陣，仲有戰利品添。 行到攰又肚餓喇，向佐敦方向覓食， 行下行下就見到呢間咁光猛嘅cafe， 啲嘢食望落仲幾吸引 ，一於就入去試下啦。🥣🥤set dinner 有餐湯飲品，抵。羅宋湯好濃郁，仲有好多配菜，健康味美。🍹熱情果紅茶唔算太甜，讚!🐽原條bbq豬肋骨配芝士焗薯條🍟豬肋骨焗得剛剛好，肉骨分離，芝士薯條條條脆卜卜，yummy。🍝自選意粉 - 明太子帶子闊條麵嘩! 呢個意粉好驚喜，明太子味濃厚，意粉掛汁，帶子亦都好鮮味。 不錯不錯。🍰檸檬芝士蛋糕高質！唔太漏，酸甜度適中。✨️整體評語值得推薦嘅餐廳，多款選擇，價錢公道，味道好。