Video
Read full review
2022-04-01
83 views
飲食新流派腐乳專門店.中環火紅新貴「流」Lau Bistro係香港首間以腐乳為主題既 Fusion 餐廳。腐乳有「東方芝士」美譽，以腐乳入饌既菜式坊間唔難搵，但將呢種貼地醬料入饌西式菜單同飲品之內，確實不平凡。.「流」位處中環，以淺綠主調配復古地磚，懷舊風玩味濃。餐廳樓高兩層，地方不少。牆身掛滿玩味濃字畫，打卡一流。.腐乳咸牛肉飛碟配沙津 $45早餐有三文治飛碟餐，除左三文治外仲有沙津菜同柚子潤肺茶，柚子茶係中醫師配方，養生好味。枝裝形式都方便各打工仔原枝帶走番公司分次享用。招牌級腐乳咸牛肉餡飛碟，餡料係和牛配腐乳醬，同一般茶記蛋咸牛治好唔同。鮮牛肉配腐乳香，惹味但不會膩。.焗南乳豬手 $288南乳係腐乳之一，紅腐乳味道會更醇厚。用西式焗豬手而唔用中式炆豬手製法，豬手焗到皮脆肉嫩再加埋餐廳特製南乳醬，配啤酒一流。.椒絲腐乳卡邦尼意粉 $98招牌午餐必點項目之一，眼見椒絲腐乳卡邦尼意粉係每檯必點項目。面有大大隻蛋黃，打卡一流。用腐乳取代左西方芝士，腐乳、椒絲、蛋漿同意粉毫不違和，果然係招牌之一。.紅酒燴牛肋條 配白飯 $68性價比十足既午餐之一，紅酒燴牛肋條油花分布平衡，長時間燉煮夠腍夠
.
中環火紅新貴「流」Lau Bistro係香港首間以腐乳為主題既 Fusion 餐廳。腐乳有「東方芝士」美譽，以腐乳入饌既菜式坊間唔難搵，但將呢種貼地醬料入饌西式菜單同飲品之內，確實不平凡。
.
「流」位處中環，以淺綠主調配復古地磚，懷舊風玩味濃。餐廳樓高兩層，地方不少。牆身掛滿玩味濃字畫，打卡一流。
.
腐乳咸牛肉飛碟配沙津 $45
早餐有三文治飛碟餐，除左三文治外仲有沙津菜同柚子潤肺茶，柚子茶係中醫師配方，養生好味。枝裝形式都方便各打工仔原枝帶走番公司分次享用。招牌級腐乳咸牛肉餡飛碟，餡料係和牛配腐乳醬，同一般茶記蛋咸牛治好唔同。鮮牛肉配腐乳香，惹味但不會膩。
.
焗南乳豬手 $288
南乳係腐乳之一，紅腐乳味道會更醇厚。用西式焗豬手而唔用中式炆豬手製法，豬手焗到皮脆肉嫩再加埋餐廳特製南乳醬，配啤酒一流。
.
椒絲腐乳卡邦尼意粉 $98
招牌午餐必點項目之一，眼見椒絲腐乳卡邦尼意粉係每檯必點項目。面有大大隻蛋黃，打卡一流。用腐乳取代左西方芝士，腐乳、椒絲、蛋漿同意粉毫不違和，果然係招牌之一。
.
紅酒燴牛肋條 配白飯 $68
性價比十足既午餐之一，紅酒燴牛肋條油花分布平衡，長時間燉煮夠腍夠入味，肉質鮮嫩唔會太鞋。紅酒汁惹味開胃。
.
炸薯條配腐乳醬 $58
黃金脆蕃薯條配腐乳醬，即叫即炸熱辣辣，送啤酒一流。
.
流白
必點必試佢地既招牌Lau White 流白，係第二間餐廳應該飲唔到咁有特色既配搭。流白其實係Espresso + Tonic + 腐乳，咖啡甘香配上Tonic既酸同微咸腐乳，味道出乎意料地夾。
.
Lau Bistro 服務同食品都屬於優質，期待佢地仍在鑽研中嘅腐乳甜品！
Post
