Video
Read full review
2024-06-16
635 views
食到半飽嘅我哋決定留喺酒店繼續Happy！揀咗可以聽住美妙歌聲嘆輕食同埋靚酒嘅天天吧。坐低咩都唔好講整杯勁嘢飲吓先！呢杯就過癮喇佢叫做烤鴨飄香即係有烤鴨味嘅雞尾酒，底係Gin酒嚟然後加埋烤鴨醬、砂糖，青瓜同埋檸檬，三種唔同嘅滋味飲出沙田18嘅招牌烤鴨過癮到飛起。我哋一人點咗啲送走嘅嘢食傾住計嚟嘆！炒八爪魚翡翠螺要嚟送酒就最啱貪佢夠咬口呀嘛！入面仲有好多唔同顏色嘅車厘茄啱晒老婆大人食。香煎蝦球辣肉腸鬼死咁刺激，好似我咁怕辣嘅就唔好叫喇哈哈。呢個焗酸種麵包入面塞滿咗唔同嘅芝士同埋風乾火腿，食䓖又香又脆咁好鬼惹味。呢度嘅水牛城辣雞翼唔會辣到飛起，甜甜酸酸咁點埋藍芝士醬食仲和味呀。講到最受歡迎肯定係呢碟墨西哥粟米脆片！脆卜卜嘅粟米片上面鋪咗素肉醬同埋車打芝士，如果仲嫌唔夠好味可以點埋牛油果醬一齊食，真係好味到停唔到口㗎。呢杯Be More Proud真係調得好好飲，嚟到天天吧一樣可以飲到我梗係要叫多杯啦。酒吧啲嘢食好正不過選擇唔係好多！但你就可以嗌Cafe或者沙田18嘅嘢過嚟食，我哋就揀咗Cafe嘅鮮蝦春卷炸到香脆又唔會油淋淋，入面全部都係鮮甜嘅蝦肉送酒一流呀。呢個四種芝士薄餅入面有我最鍾意嘅
坐低咩都唔好講整杯勁嘢飲吓先！呢杯就過癮喇佢叫做烤鴨飄香即係有烤鴨味嘅雞尾酒，底係Gin酒嚟然後加埋烤鴨醬、砂糖，青瓜同埋檸檬，三種唔同嘅滋味飲出沙田18嘅招牌烤鴨過癮到飛起。
我哋一人點咗啲送走嘅嘢食傾住計嚟嘆！
炒八爪魚翡翠螺要嚟送酒就最啱貪佢夠咬口呀嘛！入面仲有好多唔同顏色嘅車厘茄啱晒老婆大人食。
香煎蝦球辣肉腸鬼死咁刺激，好似我咁怕辣嘅就唔好叫喇哈哈。
呢個焗酸種麵包入面塞滿咗唔同嘅芝士同埋風乾火腿，食䓖又香又脆咁好鬼惹味。
呢度嘅水牛城辣雞翼唔會辣到飛起，甜甜酸酸咁點埋藍芝士醬食仲和味呀。
講到最受歡迎肯定係呢碟墨西哥粟米脆片！脆卜卜嘅粟米片上面鋪咗素肉醬同埋車打芝士，如果仲嫌唔夠好味可以點埋牛油果醬一齊食，真係好味到停唔到口㗎。
呢杯Be More Proud真係調得好好飲，嚟到天天吧一樣可以飲到我梗係要叫多杯啦。
酒吧啲嘢食好正不過選擇唔係好多！但你就可以嗌Cafe或者沙田18嘅嘢過嚟食，我哋就揀咗Cafe嘅鮮蝦春卷炸到香脆又唔會油淋淋，入面全部都係鮮甜嘅蝦肉送酒一流呀。
呢個四種芝士薄餅入面有我最鍾意嘅藍芝士！加埋另外三款唔同嘅芝士真係濃郁到一個點呀，最重要嘅係個薄餅底焗得好鬼香脆水準非常之高，我係會為咗呢個薄餅再去幫襯。
四重芝士唔啱老婆大人食！所以另外叫咗個意大利辣腸，蘑菇，雜椒，水牛芝士薄餅佢嘆，入面有佢鍾意嘅辣肉腸同埋係薄批所以佢食得好滿意。
呢度嘅甜品Affotini都好鬼特別！唔鍾意咖啡嘅我都覺得佢好味喎。
我揀咗椰子芋頭雪糕嚟嘆！將咖啡雞尾酒倒入雪糕入面，香濃又滑嘟嘟嘅甜品就咁誕生咗。
除咗我揀嘅椰子芋頭味之外，仲有糖冬瓜開心果同埋五糧液朱古力，三個唔同嘅口味都各有特色唔好揀一於食哂佢。
Post
