Video
Read full review
2022-02-19
1507 views
甜記餃子 甜記餃子，相信唔洗我多介紹大家都認識。老闆前身任職工程師，經常來往中港兩地。後來經歷社會運動後，佢對自己嘅工作已經毫不感到興趣，於是就開設餃子店，但新冠疫情令生意大減。幸好後來增設嘅外賣「生餃」選擇，令餐廳生意上升。 而事實上我當日去時，大部分企喺門口嘅客人都係叫外賣嘅。見到咁多人響門口時，不防睇吓門口嘅「候座紙」先好下定論排唔排好。老闆堅持餃子饀料新鮮而飽滿。之前店舖附近嘅醫院疫情嚴重，佢哋都給予醫護9折優惠，唔怪得有咁多人幫襯啦。 餃子嘅選擇有十二款，饀料有齊豬牛羊雞，價錢正常。亦都設有湯麵餐同多款小食，當中最出名有醉雞，但我當日就想食雞腎多D，有食過歡迎留言。 湯餃X8 $42 今次係我第一次食甜記，我對於佢嘅饀料飽滿程度係有D驚訝。餃子皮的確係薄，又冇未熟嘅邊位，但個人認為有D過熟，冇乜口感，但又未到甩皮甩骨嘅狀況。 湯底叫咗蕃茄薯仔湯，望落清澈冇薯碎，飲落就100%係屋企煲嗰隻最清新無味精嘅味道，好順喉，我就飲哂成碗。菜脯見係推介之一，就去試吓。蘿蔔爽口偏甜，香辣惹味，有大量辣椒籽，仲有D蝦米，好味！南瓜忌廉雞肉餃 我從來都冇食過呢樣野，食完就明白點解會係推介。南瓜
甜記餃子，相信唔洗我多介紹大家都認識。老闆前身任職工程師，經常來往中港兩地。後來經歷社會運動後，佢對自己嘅工作已經毫不感到興趣，於是就開設餃子店，但新冠疫情令生意大減。幸好後來增設嘅外賣「生餃」選擇，令餐廳生意上升。
而事實上我當日去時，大部分企喺門口嘅客人都係叫外賣嘅。見到咁多人響門口時，不防睇吓門口嘅「候座紙」先好下定論排唔排好。老闆堅持餃子饀料新鮮而飽滿。之前店舖附近嘅醫院疫情嚴重，佢哋都給予醫護9折優惠，唔怪得有咁多人幫襯啦。
餃子嘅選擇有十二款，饀料有齊豬牛羊雞，價錢正常。亦都設有湯麵餐同多款小食，當中最出名有醉雞，但我當日就想食雞腎多D，有食過歡迎留言。
湯餃X8 $42
湯餃X8
$42
81 views
0 likes
0 comments
今次係我第一次食甜記，我對於佢嘅饀料飽滿程度係有D驚訝。
湯餃
35 views
0 likes
0 comments
餃子皮的確係薄，又冇未熟嘅邊位，但個人認為有D過熟，冇乜口感，但又未到甩皮甩骨嘅狀況。
湯底叫咗蕃茄薯仔湯，望落清澈冇薯碎，飲落就100%係屋企煲嗰隻最清新無味精嘅味道，好順喉，我就飲哂成碗。
菜脯
8 views
1 likes
0 comments
菜脯見係推介之一，就去試吓。蘿蔔爽口偏甜，香辣惹味，有大量辣椒籽，仲有D蝦米，好味！
洋蔥薯仔牛肉餃，南瓜忌廉雞肉餃
16 views
0 likes
0 comments
南瓜忌廉雞肉餃
我從來都冇食過呢樣野，食完就明白點解會係推介。南瓜蓉佈滿每個角落，口感好smooth，香甜細膩，唔會覺得粗糙，又有忌廉嘅香滑，但雞肉就少咗D，冇乜印象。
洋蔥薯仔牛肉餃
望落色澤偏淡，同想像中嘅牛肉餃有D出入。牛肉尚有肉味，軟嫰多汁，明顯有洋蔥嘅脆身同薯絲偏向爽身嘅口感，個人認為調味可以再重身D。
麻辣雞腎$32
麻辣雞腎
$32
15 views
0 likes
0 comments
$32黎講算有好多粒，堆積如山，建議兩個人黎食。據上一次食嘅鴨腎的經驗，係非常之爽口嘅，但雞腎就偏向軟身，亦有層類似脂肪嘅啫喱層。麻辣汁有少許甜味，唔算太麻，香口涼爽。
Post
