綠茵閣餐廳 (Closed)

星期日下午陪男朋友去旺角波鞋街買波鞋，為食既我地之後邊掃街邊慢步，拍拖行去油麻地...我打算今晚帶男朋友去食心太軟，所以晚餐會食得輕盈d, 我地周圍兩頭望，見到一間港式茶餐廳叫"綠茵閣"，男朋友話成日坐車經過見到，但試就未試過…外觀大大間，貼左餐牌，晚上7:30pm前仲有抵食下午茶餐 ！從玻璃門面望入去，座位寛敞，有TV看...不妨一試先 1.豬扒包拼粟米沙律($30） : 我地本來剩叫豬扒包，貼心既姐姐話跟餐抵食d，雙拼連飲品，又真係喎 ...個包微熱微脆，内裡夾上生菜、蕃茄、青瓜、少少沙律醬加一塊軟熟美味既豬扒，估唔到又几好食！我地切開一人一半，我已經叫男朋友揀大份來食，他仍略嫌豬扒細件，唔細架喇……皆因大半邊扒去左我度 ，呵呵 ！至於粟米沙律就有菠蘿、薯仔等，好醒胃。熱杏仁霜，味道甜道剛好。2.星洲炒米($36） : 我倆既至愛！哈，今次比返大半邊過你……材料豐富有蝦、肉絲、蛋、火腿、菲黃、芽菜、洋蔥、青、紅椒等等，但憋在唔夠穫氣、唔算辣、唔夠味道，偏淡！男朋友食到無哂心機 ，死唔死！凍檸茶，男朋友話ok啦……凍飲加6蚊。我地5點几食，7點前已經食飽，唔要求高既，尚