金太郎 (Closed)

六點幾先食完下午茶, 所以冇食飯。男朋友話驚餓住瞓唔到, 所以去左食金太郎。我哋叫左碗日式叉燒拉麵, 一客照燒鮮魷鬚, 照燒雞軟骨串, 軟殼蟹手卷, 珍寶帶子壽司, 兩客芝士炸蝦卷, 同埋木魚凍豆腐。可惜店員話冇凍豆腐, 男朋友話試下個雞翼餃, 就order左一客嚟試。拉麵好大碗, 但麵質似係港式拉麵多過日式, 我自己就唔太中意。照燒系列味道不錯, 如果個照燒汁可以稀返少少更好。軟殼蟹手卷炸得剛剛好, 香脆可口, 本來仲以為個手卷包左好多飯會好飽, 但原來隻蟹都幾大隻, 飯佔嘅比例唔算好多😋😋珍寶帶子壽司, $15有兩件算係好抵食, 而且質素唔差。👍🏻👍🏻芝士炸蝦卷維持水準, 但個飯可以少啲😂好難一口食晒一嚿😂最失望嘅係雞翼餃, 雖然個外皮炸得剛剛好, 但一咬落去個餡度, 就覺得個餡好油膩, 唔會再食呢個餸🙊整體嚟講, 金太郎嘅宵夜都唔錯, 難怪成日都有人排隊👍🏻