酒廊

Open Now

Now Closed

因為方便去昂坪360所以揀咗依間Hotel High Tea同慶祝生日。環境寬敞可以hea一個下晝。一般High Tea都係得幾舊嘢攝牙罅都唔夠啦。但依間就咁睇都飽。先食暖暖鬆餅配三款醬唔會太單調。頂層嘅包有煙三文魚，牛肉同開邊蕃茄仔toppings。味道一般。中層係幾款甜點。聖誕帽芝士餅口感軟滑。另外有啲正常朱古力蛋糕同怪味撻。特別要highlight係個點心籠咁樣嘅脆撻。裝住海鮮嘅配料。但個汁竟然係星洲炒米味。夠獨特我鐘意。底層係啲甜到爆炸嘅蛋糕同朱古力同糖。仲有啲薑餅人同聖誕樹曲奇。味道普通。不過聖誕版High Tea。賣相都加分嘅。最後緊係要有個生日蛋糕先似樣。檸檬芝士餅。唔同出要面實的的嘅芝士餅。佢都係比較軟滑唔會太漏。有淡淡檸檬味中和返幾清新。總括嚟講係抵食又飽肚嘅Afternoon High Tea。可以過一個悠閒嘅下午都不錯。ps: 服務員都好很幫忙影相。