龍璽酒家 (Closed)

今日又係老闆請食飯，老闆帶咗我哋去icc呢一間叫龍璽嘅酒家， 呢一間酒家可以用一個四字成語形容酒家位於101樓，飽覽整個尖沙咀美麗嘅景色竟然連洗手間入面都有落地大玻璃，可以望到靚嘅風景， 真係我坐住喺廁所唔願意出嚟。 所有餸都係老闆發板。呢個係鮮蔬炒牛柳粒，牛柳粒算中規中矩，唔算太靭，亦都冇overcooking。呢個例排叉燒及涼拌木耳，叉燒有水準，肥瘦適中，肉嫩多汁，木耳爽口翠玉瓜炒大蝦帶子，呢味餸夠鑊氣,啲蝦睇得出好新鮮，感覺似食虎蝦 呢個好似叫做竹絲雞螺頭湯，呢個係每位嘅分量，每人都會有個爐暖住個湯非常貼心，味道好，不會太鹹 火喉十足呢個係草莓汁山藥，醒胃又健康 呢個涼拌菜我覺得幾新鮮黑松露炒飯炒飯，我覺得食炒飯最重要係飯嘅質感，佢呢度嘅炒飯粒粒分明,香軟彈口總括而言,呢間酒家主要SALE 無敵美景,食物質素都唔差,但就係中上偏貴~