餃掂手工餃子雲吞專門店

依間餃子店真係好似我既飯堂之一,因為我係好鐘意食餃子既,而且佢既其他食物都好似屋企煮咁,價錢都好合理同埋蜜餞雞翼 (大) $32 好香好甜好夠味,依個是必叫之一~!上湯松茸時蔬 $32健康之選,好甜既菜心,每次黎都叫既韭菜餃(煎) $49韭菜餃真係食極都不厭既,多肉,足料!竹昇米線 $25依個米線都好有驚喜,大大碗,,真係食到好飽呀叫左兩碗狀元九鼎湯! @20用美國蛇果(蘋果)、生魚、無花果、准山、豬尾骨煲既,真係真材實料,而且飲完完全唔會口渴。必叫最後仲飲番杯蜜棧薏米水 ,好味,足料。晚餐有肉、有面、有菜、仲有湯同健康飲品,好滿足既晚餐。