好味餃子店

Open Now

Now Closed

同朋友係長沙灣做完gym之後喺附近搵咗呢間好味餃子店，估唔到餃子真係猶如餐廳名字一樣咁好味😋餐廳提供湯餃同煎餃，價錢幾抵，$47有十隻。我地一共叫左四款味道，包括韭菜、甘荀沙葛、白菜同雲耳椰菜。賣相同平時食開既餃子有少少唔同，煎得更金黃香脆，餃子邊無摺痕但仍然脹卜卜。每款餃子都非常juicy，而且各有特色。甘荀沙葛煎餃味道清甜，韭菜煎餃味道幾香濃。其餘兩款味道－白菜同雲耳椰菜都唔錯，最緊要係餃子夠香脆多汁！我哋加$16有一碗淨粉麵，份量好大，客人可以揀米粉、米線、生麵、油麵同上海麵。餃子真係好抵食，而且無味精，要我食五十粒都冇問題😎