餃掂手工餃子雲吞專門店

今日約左個朋友係銅鑼灣寵物街睇下d 貓貓既野，見甘上下就黎左就近既餃子店吃個下午茶。朋友原來忙到中午都未食，一於叫多少少當brunch！野生松茸素煎餃，叫左10隻！好大隻好重料！師傅手勢好好，煎到剛剛好表皮焦香脆口，而內里仲有好多汁水！松茸味道突出，因為係素餃既關係，比較清淡，可以配搭上免費提供既豆瓣醬加醋，令味道更鮮！韭菜豬肉水餃，水煮既緣故顯得更加飽滿！先講湯底，係佢地好出名既狀元九鼎湯，名既由來係用咗九款食材熬製而成，材料有粉葛、鯪魚、鲫魚、紅蘿蔔、扁豆、赤小豆、新會陳皮、蜜棗、鮮排骨等。濃郁而香，淨飲湯都正！韭菜豬肉餃係經典配搭，依度都做得好出色，爆汁既，依個湯加上韭菜餃真係搞掂曬！朋友就叫左個壽喜燒牛肉餃子麵，依個湯底又唔同，係有蒜香味既甜湯頭，幾清甜。牛肉餃比較厚實，用料好足。湯頭既蒜香再加上牛肉既甜汁，真係好正！朋友中意配香醋食，更多層次！日本龍鳳蛋配黑白松露醬，賣相好靚！蛋已經切開左並加左白松露黑松露醬係面，醬既份量都好多！依碟蛋唔洗講啦一定非常好食，蛋黃香滑而松露醬香到爆！好食！最近天氣又濕又焗，最岩飲番杯蜂蜜檸檬薏米水，清甜而帶有少少既檸檬味，杯底仲有大量薏米！今次