餃掂手工餃子雲吞專門店

放飯遲左，即刻同好同事黎開餐！！！正正因為放晏遲左，所以平日放飯大排長龍既餃子店都可以直入唔洗等=）既然係餃子專門店，所以肚餓既我地一口氣叫左幾款餃子一齊食！！我地要左一份灼既松茸豬肉餃，一份湯既雙拼餃同兩款煎餃~一份八粒既松茸豬肉餃會配上一碗無味精既沙葛魚湯同松茸菌醬！每枱亦會送上一份酸蘿白~餃子皮薄餡靚，真係有松茸粒係入面架！！！而雙拼嘅湯餃分別要咗粟米餃同元貝餃：）元貝餃都幾特別，有一絲絲既元貝係豬肉中混合，仲有芹菜粒係入面，感覺都幾清新~兩款煎餃就要左芝士同新出既壽喜燒呢兩款！兩款既味道都好惹味，芝士餃加上粟米，所以食落唔會好漏：）壽喜燒呢款係牛肉餃，加上京蔥係入面，外層香脆，內在juicyyyyyyyyyyy喔！