Video
Read full review
2019-01-07
39 views
冬天手腳凍冰冰，打邊爐烚吓烚吓就最啱了！同朋友決定試下最近好hit 嘅養生火鍋，睇下係咪真係咁補！首先呢間火鍋唔係一定價錢任食嗰種，而係逐碟叫嘅，餐牌如下：首先揀左個湯底先！黎到點可以唔試美人鍋，另外本身仲想試下胡椒豬肚鍋，不過留意係1,2,3號湯底先可以+30蚊改做鴛鴦鍋的～所以最後揀左美人鍋+麻辣鍋店內裝修都好中式feel~湯底到了！可以見到都幾足料，美人鍋係標準嘅雞湯材料，有成隻烏雞，再加淮生、沙参、肉竹、杞子等，飲落去亦有d 漿口嘅感覺！飲一碗已經即刻出汗！至於麻辣鍋，我地叫左少辣，因為我係唔係好食得辣的，湯底除左花椒等仲放左鴨血同凍豆腐。整體而言我覺得小辣就唔算好辣，唔食得辣嘅人都可以試下，但千其唔好食到凍豆腐同落菜，因為吸左辣就真係好辣haha 食得辣嘅你就直接挑戰中/大辣吧！一開始都另外送左一碗鴨血，其實食落好似豬紅，都係類似嘅東西，少少辣幾好味，唔會腥。叫左個小食墨魚脆，以為係炸魷魚嗰啲，但原來係有d 似炸雲吞。之後我地再叫左牛柏葉，一碟牛一碟豬，再加10粒丸拼盤，同埋一個蔬菜籃10粒丸拼盤嘅丸睇落好似粒粒形狀不一咁，我地估計係手打丸黎！非常爽口彈牙，唔係一般出面食到嘅
首先呢間火鍋唔係一定價錢任食嗰種，而係逐碟叫嘅，餐牌如下：
首先揀左個湯底先！黎到點可以唔試美人鍋，另外本身仲想試下胡椒豬肚鍋，不過留意係1,2,3號湯底先可以+30蚊改做鴛鴦鍋的～所以最後揀左美人鍋+麻辣鍋
店內裝修都好中式feel~
湯底到了！可以見到都幾足料，美人鍋係標準嘅雞湯材料，有成隻烏雞，再加淮生、沙参、肉竹、杞子等，飲落去亦有d 漿口嘅感覺！飲一碗已經即刻出汗！至於麻辣鍋，我地叫左少辣，因為我係唔係好食得辣的，湯底除左花椒等仲放左鴨血同凍豆腐。整體而言我覺得小辣就唔算好辣，唔食得辣嘅人都可以試下，但千其唔好食到凍豆腐同落菜，因為吸左辣就真係好辣haha 食得辣嘅你就直接挑戰中/大辣吧！
一開始都另外送左一碗鴨血，其實食落好似豬紅，都係類似嘅東西，少少辣幾好味，唔會腥。
叫左個小食墨魚脆，以為係炸魷魚嗰啲，但原來係有d 似炸雲吞。
之後我地再叫左牛柏葉，一碟牛一碟豬，再加10粒丸拼盤，同埋一個蔬菜籃
10粒丸拼盤嘅丸睇落好似粒粒形狀不一咁，我地估計係手打丸黎！非常爽口彈牙，唔係一般出面食到嘅丸！
牛肉同豬肉都已經切好小塊，雖然未去到入口即溶嗰種，但都好夠鮮味👍🏻
最後老闆娘仲拎黎左一碟芭樂，酸酸甜甜可以中和返火鍋嘅油膩～
除左火鍋呢到仲有私房菜食，可以book private 嘅房添，都影低左個菜單，有興趣可以睇下
整體而言呢到服務及各樣都好周到，老闆娘亦好nice👍🏻👍🏻值得一讚👍🏻
Post
