呷哺呷哺 (The ONE)

Open Now

Now Closed

星期四中午12點15分到達，不需要等位😄， 店舖裡面大約坐咗三成人， 同埋店內有大玻璃窗，十分之開揚， 我哋坐玻璃窗位置，望出去九龍公園風景🏡。我哋嗌咗兩個商務午餐，第二個午餐仲有半價優惠， 分別揀咗一個肥牛餐， 另外一個豬肉餐，追加咗一碟雙拼肉(38蚊)。 每個餐包咗一杯手搖飲品🧋，有啲特別啲嘅飲品要另加錢， 最得意係出面有個刨冰機可以畀你自製刨冰 甜品🍧 ，有多款配料供應，例如芋圓.芋泥 .淡奶.黑糖等等。肉類質素比其食肆任飲任食火鍋放題🤔 相差無幾， 肥牛真係幾肥吓， 可能多加十蚊要肉眼位置，會更好。湯底最出名嘅應該係養生菌菇鍋 ，充滿黑松露鮮菌味，湯非常之好飲，飲完之後 唔覺得口渴應該冇味精。 埋單二百八十蚊， 性價比ok💖，如果有機會下次再嚟。