阿來客棧雞煲火鍋 (Closed)

銅鑼灣站📍 阿來客棧-落雨最岩打邊爐🫕，今次同朋友去食海底椰子雞🥥養顏海底椰子雞半隻（$168）開始一定試下個湯先，好鮮甜滋潤，淡淡椰香。雞件肥瘦均勻，而且肉質幾彈牙（不過就唔好煮太耐，太耐就會老身）。桂花蚌半份（$68）桂花蚌淥幾十秒就食得，幾爽口😋份量岩岩好。手打鮮蝦丸半份（$52）共有4粒，鮮蝦丸都幾彈有張力，肉質唔會好淋。鮮滑牛半份（$48）呢個滑牛十分推薦，真係幾嫩滑，牛味重。牛氣沖天（$68）包括有牛腩、牛筋、牛舌、金錢肚，每款各有三片。牛筋、金錢肚都唔錯，牛舌我覺得口感唔錯，不過朋友就話有少少騷。牛腩就比較靭，要用多少少牙力。脆炸午餐肉半份（$32）午餐肉炸得香脆，每次邊爐都必點（雖然平時自己都整到，但自己好少油炸😂）蔬菜方面，分別要左半份皇帝菜（$28）、半份唐生菜（$25）、半份萵筍（$28）同半份野生竹笙（$56）。萵筍幾爽口，冇渣。竹笙吸晒湯既精華，打邊爐一流👍🏻😋雖然食咁滋補既海底椰雞配啤酒好似有d格格不入，但飲啤酒🍻打邊爐就係爽😎一枝藍妹（$35）兩份share🤪醬料、茶芥每位$12，另有加一服務費。環境方面，餐廳裝修簡約明亮，最緊要張枱夠闊落，坐起上黎唔會逼