Video
Read full review
2023-10-31
2590 views
9月頭剛好比我捕捉到餐廳喺KKDAY嘅快閃優惠，做緊個海鮮主題自助餐，有凍龍蝦、琵琶蝦、鮑魚、煎虎蝦等，即刻吸引到中意食海鮮嘅我，所以訂左個半月後嘅星期日嚟食DINNER，每位連加一$489，唔駛$500就可以食到酒店自助餐，感覺好似幾抵🤔。由於我坐近凍海鮮區，見到個攪笑現象😂，當時buffet未開始，但啲食客已經拎定隻碟、圍哂喺凍海鮮區😆其實refill速度好快，唔駛急住食第一輪。冷盤海鮮：餐廳海報明明寫有琵琶蝦，但當晚一隻都無，在場唔止我一枱話失望😥。凍龍蝦都算飽滿、唔瘦，肉質唔會好膠、好硬、好難咬、而且有好多蝦膏添，不過蝦味就偏淡。蟹腳肉一梳梳，算新鮮，不過唔算大條，同埋鹹左少少。前菜：最有印象係黑松露蜜糖伴芝士，身為芝士控滿懷期望，但個芝士打到好似泡同Cream嘅質地，芝士味薄弱，加上我麻麻地黑松露太濃嘅食物，所以食一啖就放棄左😣。第二有印象嘅係鵝肝多士，真係好肝味，唔係人人都接受到，加上凍食，我唔識得欣賞😂其他沙律菜、壽司、刺身，我都無試到。熱食：我試左即煎虎蝦、即煎東星斑、即煮鮑魚、烤美國西冷、滴漏海龍皇湯、燒T骨羊扒、砵酒燴牛面頰、清蒸比目魚、芝士焗蠔、西班牙海鮮飯、脆椒
由於我坐近凍海鮮區，見到個攪笑現象😂，當時buffet未開始，但啲食客已經拎定隻碟、圍哂喺凍海鮮區😆其實refill速度好快，唔駛急住食第一輪。
冷盤海鮮：
餐廳海報明明寫有琵琶蝦，但當晚一隻都無，在場唔止我一枱話失望😥。
凍龍蝦都算飽滿、唔瘦，肉質唔會好膠、好硬、好難咬、而且有好多蝦膏添，不過蝦味就偏淡。
蟹腳肉一梳梳，算新鮮，不過唔算大條，同埋鹹左少少。
前菜：
最有印象係黑松露蜜糖伴芝士，身為芝士控滿懷期望，但個芝士打到好似泡同Cream嘅質地，芝士味薄弱，加上我麻麻地黑松露太濃嘅食物，所以食一啖就放棄左😣。
第二有印象嘅係鵝肝多士，真係好肝味，唔係人人都接受到，加上凍食，我唔識得欣賞😂
其他沙律菜、壽司、刺身，我都無試到。
熱食：
我試左即煎虎蝦、即煎東星斑、即煮鮑魚、烤美國西冷、滴漏海龍皇湯、燒T骨羊扒、砵酒燴牛面頰、清蒸比目魚、芝士焗蠔、西班牙海鮮飯、脆椒麻香魚仔、避風塘蟶子、酥炸軟殼蟹、麵檔由喇沙改為船麵。
我覺得OK嘅有------煎虎蝦肉質唔錯但調味不勻，有鹽果D位好味D；
煎東星斑肉質彈牙、厚實；
烤美國西冷有牛味、有肉汁、肉質軟淋，唔錯。
滴漏海龍皇湯第一次飲呢個整法嘅湯，略鹹左少少，不過真係幾濃海鮮味，而且好夠熱，食完凍海鮮飲佢最正，當晚飲左3碗😋
酥炸軟殼蟹雖然普通，但夠脆🤤。
我覺得要改善嘅有-----即煮鮑魚無鮑魚味、無醬香、連舊白蘿蔔都有渣；芝士焗蠔得沙律醬味；西班牙海鮮飯整太多、太少人食、結果個飯焗左成晚而變脹變淋；脆椒麻香魚仔有四川麻香但一D都唔脆；避風塘蟶子夠辣但蟶子好乾好瘦。
甜品：
火焰雪山、杏仁蛋糕、即焗心太軟、海鹽馬德琳、馬卡龍、牛角酥窩夫、麵包布甸、生果、紫米露、Haagen-Dazs
個人唔中意Cream、mousse、馬卡龍、布甸、啫哩，所以呢度D甜品完全唔啱我口味，唯一比較好嘅係有即焗心太軟，可可味好濃，又唔會好甜。
火焰雪山係佢地重頭戲，中段會響鈴、熄燈、去甜品區睇火焰表演，蛋糕係朱古力拼草莓味mousse，但我覺得酒味太濃，唔中意。
Haagen-Dazs口味唔多，得四款。到我8點零鐘離場果陣得番雲尼拿、同少量粉紅果款，唔知之後仲會唔會refill。
其他比較搶手嘅凍龍蝦、西冷、羊扒、煎虎蝦、煎東星斑、即煮鮑、海龍皇湯呢D到我離場都依然有提供。
飲品方面，有咖啡機、茶包、檸檬等大路野，比較特別d好似有款叫凍青梅綠茶嘅野，唔會好甜。
我自己去呢D做緊優惠嘅餐廳，唔會抱太大期望，以「唔中伏已經好好，好食係Bonus」呢個觀念🤓今次呢個優惠，整體良好，食物質素OK、Refill速度快、被安排坐窗邊望到太空館、職員收碟快，係嘈左少少、甜品較弱。
Post
