Video
Read full review
2023-04-06
476 views
🌟餐廳：Rakuraku 樂拉麵📍地址：灣仔皇后大道東200號利東街地下G30號舖💰價位：～$50- $100⏰營業時間：星期一至日 11:00 - 22:00📱電話：2818 3222終於去咗呢間日本過江龍「Rakuraku 樂拉麵」！平時午飯時段實在太長龍，唔夠時間排隊，今晚早收工終於可以一嘗佢地主打既博多風拉麵🍜事不而遲，即刻介紹下先~———————————————————🔹 煎餃子先黎一份日式煎餃子一共有4隻，每件餡料都好豐富，外脆內軟，咬落仲有好多肉汁，好出色———————————————————🔹炸牛蒡片呢款炸牛蒡片既健康又香脆炸漿夠薄，而且輕輕用鹽調味已經可以帶出牛蒡獨特既味道———————————————————🔹鐵板海鮮燒餅鐵板海鮮燒餅做法類似大阪燒以鐵板上菜夠哂熱辣辣，餡料有齊墨魚粒、蝦肉等材料，好有口感，上層仲加左大量紫菜及沙律醬燒汁，好惹味———————————————————🔹雞白湯拉麵必食呢度既雞白湯拉麵湯底奶白色好濃稠，熬煮時間夠長，雞味好突出配料包括日式叉燒、糖心蛋、木耳絲及極具特色既炸蓮藕，大大碗配料豐富加上麵質夠爽彈，份量十足，大推—————————
📍地址：灣仔皇后大道東200號利東街地下G30號舖
💰價位：～$50- $100
⏰營業時間：星期一至日 11:00 - 22:00
📱電話：2818 3222
終於去咗呢間日本過江龍「Rakuraku 樂拉麵」！平時午飯時段實在太長龍，唔夠時間排隊，今晚早收工終於可以一嘗佢地主打既博多風拉麵🍜事不而遲，即刻介紹下先~
———————————————————
🔹 煎餃子
先黎一份日式煎餃子一共有4隻，每件餡料都好豐富，外脆內軟，咬落仲有好多肉汁，好出色
———————————————————
🔹炸牛蒡片
呢款炸牛蒡片既健康又香脆炸漿夠薄，而且輕輕用鹽調味已經可以帶出牛蒡獨特既味道
———————————————————
🔹鐵板海鮮燒餅
鐵板海鮮燒餅做法類似大阪燒以鐵板上菜夠哂熱辣辣，餡料有齊墨魚粒、蝦肉等材料，好有口感，上層仲加左大量紫菜及沙律醬燒汁，好惹味
———————————————————
🔹雞白湯拉麵
必食呢度既雞白湯拉麵湯底奶白色好濃稠，熬煮時間夠長，雞味好突出配料包括日式叉燒、糖心蛋、木耳絲及極具特色既炸蓮藕，大大碗配料豐富加上麵質夠爽彈，份量十足，大推
———————————————————
🔹海老蕃茄濃湯沾麵
朋友仔就揀左味道更濃郁既海老蕃茄濃湯沾麵先講個沾麵湯汁，用左大量蝦殼、蝦頭及蕃茄熬制，蝦既精華盡在湯汁
蝦肉、厚切叉燒粒及蔥花等另上，擺盤賣相好出色而且麵條好掛汁，每啖咸香味濃，值得一試
———————————————————
😋味道：4/5
🏢環境：4/5
💁🏻♀️服務：4/5
💵價錢：4/5
🤟🏻性價比：4/5
———————————————————
👅整體小總結
餐廳主打既博多風拉麵好有特色，特別係雞白湯系列，湯頭超濃郁，心機之作~
食物方面，份量十足，除左提供各種拉都沾麵及日式小食之外，更主打龍蝦湯石頭鍋泡飯，下次要再黎試埋呢一款先~
Post
