Chill Pill

Open Now

Now Closed

朋友約左呢間餐廳食飯，一黎到覺得餐廳既環境幾舒服，餐廳都幾爆，好彩留左位，可以好chill甘入座😄同為選擇困難症既朋友，揀set係不二之選，有餐湯，餐飲，小食，主菜，甜品💁🏻‍♀️🍽️白桃芒果冰茶🍽️是日餐湯濃郁既南瓜湯🍽️沙律小食我地揀左沙律碗，顏色係好靚，佢食材既配搭係幾新鮮，車釐茄，蘆筍，藜麥，南瓜，最特別既係紫薯，開頭仲以為係紅菜頭之類，紫薯幾甜仲有d口感唔係淋曬👍🏻🍽️黑松露雜菌粗管意粉一上檯就聞到好濃郁既黑松露味，醬汁係比較濃稠，每一條粗管粉都被醬汁包住，味道同食材係簡單純粹，菇+奶油+黑松露🍽️香煎美國prime頂級牛小排賣相顏色吸引，牛小排熟度剛好，口感我覺得幾似豬頸肉，唸得黎有𡁻口，加埋鹹甜適中仲有酒香既醬汁，係好唔錯，其中想一提既係伴菜入面既薯仔，全熟但係爽口既薯仔係好味! 我平時唔鐘意食除左炸以外既薯仔，但呢個口感既薯仔又幾好食窩👀🍽️宇治抹茶牛角窩夫🤩為晚餐畫上令人滿意既句號！叫做窩夫但又好似雞蛋仔，重點係佢係即刻整，支叉叉落個皮到既時候係脆既，加埋綿密濃郁既抹茶雪糕，綠茶醬，紅豆糯米糍，perfect!總括而言，環境舒適，用心製作，絕對可以再encore!