반찬앤쿡 Banchan and Cook (東薈城名店倉)

Open Now

Now Closed

今日入到嚟東涌同朋友行街，Lunch就揀咗依間餐廳食。首先我哋叫咗依個韓式辣醬炸雞。炸雞揸得好香脆，調味都好好。而且仲有薯條同埋炸年糕。另外我哋嗌咗一個泡菜豬肉煎餅。佢嘅醬汁好好食，好開胃。主食方面，我叫咗一個牛肝菌蛋包飯。估唔到個份量都幾大😅滑蛋炒得都幾滑。我都叫咗一杯綠茶咖啡，可惜比較普通，無論係綠茶味定係咖啡味都唔係好出。食完感覺價錢偏貴。而且餐廳衛生麻麻，食食下野，有隻細細隻小強由枱下面爬上枱面，嚇到我哋死咁濟😓😓好彩有個朋友唔驚，即時處理咗。希望餐廳可以注意返。