翠園 (德福廣場) (Closed)

今日點左恒生信用咭套餐 $1938(12位)店家印好餐牌，仲印埋訂枱人既名上去，但沒有問清楚姓氏，寫錯左同音字，原本貼心既服務顯得有點不足。片皮鴨我地想要多碟青瓜，因為大多數人都唔食蒜。青瓜加蒜收費$20，但無得全青瓜，要買就一定要買埋蒜翡翠紅糟炒豚肉味道唔錯，份量都幾大碟。蜆蚧鯪魚球魚肉味道調得幾好，夠彈牙。湘蓮紅棗燉龍骨，骨膠原豐富，湯渣入面有好多雞腳，個湯燉到入曬味。原隻鮑魚伴花菰，花菰隻隻都好大，飽魚帶鮮味。涼瓜炆鴨件，鴨件帶有好香既紹興酒味，同埋鴨既比例好多。清蒸沙巴花尾斑，條魚近骨既位置未蒸熟。但魚唔可以翻蒸，所以我地避開唔熟既位照食，無要求佢再整過了。杞紅濕竹老鼠耳浸翡翠，菜苗帶有菜青味，唔係我喜愛既菜，但味道係可以既。香滑紅棗糕，唔太甜，煙煙韌韌幾好食。另外加左個乾燒伊麵，餸唔多。環境幾好，坐得舒服。