穴 (康怡廣場) (Closed)

同事／朋友都話呢間餐廳嘅其他分店嘢食質素同味道好又見康怡新開咗就訂咗12月31號下晝1點鐘食晏，本身訂6位嘅後尾同其他同事講我哋諗住試呢間餐廳，其他同事都表示有興趣試，所以打電話轉訂10位，餐廳表示訂枱人數如果超過8人就要俾1千蚊現金按金，咁我第2日走去俾按金。到12月31號我準時去攞位，點知個接待話安排分開兩張枱俾我哋，我話點樣分開兩張枱?接待話前後兩張枱，我即刻着火話：你哋餐廳點可以咁樣安排架?！前後兩張枱我哋點樣傾計呀?！我係明白我哋10個人係要分兩張枱，但餐廳唔可以安排平排兩張枱咩？點解要安排前後兩張枱呀？！咁樣分枱坐我洗鬼訂枱同俾按金咩？！我出出面撳飛就得啦！接待聽完我發牢騷就話叫經理同我講，經理聽完竟然話我訂枱時無講清楚要1齊坐同埋話我唔可以話佢安排差！我聽完經理講呢句說話我仲嬲多幾錢，我即鬧佢：咁你係差吖嘛！在我而言你嘅安排超差囉！經理無道歉之如仲黑我面，又唔安排另外嘅枱俾我哋，叫我哋照坐呢張枱如果唔係就要等到有枱為止。我見情況無得改變而我嘅同事都嚟齊咗，唯有照坐低食，但條氣勁唔順囉！！雖然食物質素同味道好但我唔會再幫襯呢間穴囉！！！