穴 (康怡廣場) (Closed)

早兩日約咗幾個朋友去食晏去咗康怡廣場呢間穴居酒屋門口企左好多人仲以為要等好耐入去嗰陣門口個女仔同我哋講用餐時間75分鐘（我公司樓下得60分鐘咋，啲野食仲黎得慢）我哋好快就嗌咗嘢食因為好肚餓，我哋嗌到成枱都係嘢刺身同壽司好快就上咗枱串燒就耐少少佢哋啲刺身好新鮮最正係厚切拖羅刺身又肥又甘香串燒都燒得唔錯，脆脆香香朋友唔小心，整跌咗個前菜啲侍應好快手即刻上嚟幫我哋執好成個過程佢哋都好有禮貌，冇黑口黑面仲問我哋有冇俾啲汁彈到好細心，呢樣嘢值得讚之後仲再送返個新嘅俾我哋同朋友都覺得下次可以再嚟encore

去過兩次，兩次都係一食完便收起餐具，沒有詢問客人。另外，同枱的客人未食完，照收其他人的餐具，十分沒有禮貌及不專業。我見門口都沒有客人等待。食物方面，味道都可以。

一向欣賞貴集團的餐廳，食物質素，員工態度，地方清潔等各方面都做得不錯。但好可惜，時隔數月，再來康怡 穴 食，以往所有嘅好印象完全消失。今天遇着一名疑似 in charge 的男員工，個人衞生欠奉，雙手指甲不堪入目，全黑邊不特止，仲要指甲超長 (我仲以為自己去了大排檔、茶記🤮)幸好食物質素仍然保持水準。但可惜地，埋單後，本人發現單據有問題，詢問該位男員工，但該男員工完全唔知道問題所在，並開始態度及語氣都表現得極不耐煩，回應的說話中亦帶有挑釁性和令我感覺到他看不起客人⋯⋯本人實在想不到會在貴集團的餐廳遇着這樣不愉快的遭遇，當然明白係個別員工的問題，但亦希望貴集團在選人才和員工培訓方面也提升質素。

高水準嘅Omakase廚師發辦（季節限定優惠），性價比超級高第一次嚟呢間餐廳，一坐低已經問我哋有冇食物敏感有咩唔食，好細心，避開晒我哋唔食嘅嘢。每一道菜嘅擺盤都好靚，視覺上嘅衝擊完全比你覺得置身於五星級高級餐廳咁。每食一啖我哋嘅反應都係「嘩！真係好好味！」每道菜嘅煮法都好有心思，雖然係限定優惠，但絕對唔求其。頭幾碟擺盤，我以為自己食緊法國菜，有幾碟係估唔到佢係咁嘅味，真係好有驚喜。每款壽司都超好味，海膽好鮮甜，連個壽司飯都好好味好夾，配合得好好。最後嘅北海道焙茶雪糕同埋豆腐雪糕都好正。其中一碟沙甸魚磯邊卷（入面有白昆布、白䓤、青瓜絲）好好味（忘記影相，冇相片提供）從來冇食過咁好食嘅鰻魚壽司、熟成馬友魚壽司，真係超好食，入口即溶，食完真係即刻想食多件師傅話其中一道菜本來係白子，但覺得唔新鮮唔靚，所以轉左另一款，聽完覺得好窩心。侍應服務都好周到，食到中段幫我哋換過一杯全新嘅熱茶，而唔係加茶，亦完全唔需要提佢做。呢啲細節位係加曬分。好多謝呢間餐廳推出呢個季節限定優惠價錢，令我同朋友可以享受咁好食嘅菜式，感受非常深刻，非常愉快嘅一頓晚餐，畢生難忘。

今日約咗朋友去公司附近康怡食飯一直都有聽同事講，呢度開咗間高水準日本餐唔知係咪因為星期一，唔使等好耐，職員即刻幫我哋安排入座係門口見到佢有個牌寫住自選刺身當入到去坐低即刻拎咗張紙，揀自己想食嘅嘢有成20幾種配料俾你揀🍣另外仲有六種，不過要加💵💰😬聽職員講，佢地重有個秋祭便當🍱咁就梗係要試吓啦，$98咋🤭朋友嗌咗個汁燒牛肉便當，佢過味道相當唔錯呢間可以同同事再黎encore，因為除左野食好味，環境寬落，最重要佢哋啲Staff都幾好禮貌入去同走嗰陣都有同我哋greeting

話說午餐時間去冇訂到枱，見到門口有少少人潮都心知不妙不過職員非常友善，先係俾咗張飛仔我地，然後好快就安排到入座。佢啲自選餐超級抵食，$108抵到爛，刺身食材非常新鮮唔在講，最重要多野揀，揀啲自己中意的成餐飯都食得好開心，啲職員又成日幫手加茶，又會好好咁問我地啲野上齊未，服務態度一流，非常值得推薦👍🏻👍🏻

📍穴 Yaki ANA🧭太古康山道1-2號康怡廣場地下G9-G11號舖人均消費: HKD184成年無食 #穴 😋⭐️午市自選刺身丼 $108 $108可以揀5款刺身，揀咗蟹膏、霜燒左口魚裙邊、蟹肉、油甘魚同章紅魚！份量唔錯，推介霜燒左口魚裙邊！蟹肉同蟹膏撈起飯好味！喺個賣相真係差啲😅⭐️刺身壽司便當配蔥吞拿魚腩飯 $128便當有前菜、三文魚、牡丹蝦、三件壽司、蟹肉小食、沙律、麵豉湯！加埋個蔥吞拿魚飯，其實份量都好多！唔算好特別，但蟹肉小食同蔥吞拿魚飯都幾唔錯⭐️蟹籽墨魚刺身 +$38唔使套餐可以加一份小食！墨魚刺身都好新鮮，但係超級唔太好，要一抽抽咁食😂⭐️吉列炸蠔 +$38炸蠔好味，好熱好香口，蠔味都重，如果有沙律醬更佳味道保持到，係賣相無以前咁靚😂#MFJ太古 #MFJ日本菜#mfoodjournal #foodie #hkfoodie#japanesefood #japanesecuisine #taikoofood #sashimi #相機食先 #太古美食 #日本菜

午市時間去，因為冇訂枱 食完突然話75分鐘夠鐘，因為有人訂咗要吹我哋走，員工態度又差，冇預先同人講而且飯好硬，魚生冇乜特別，唔值呢個價錢。就算住得近，都唔會再嚟。

特上刺身御膳 $248有9款刺身非常新鮮，刺身切的刀功一流，厚薄適中，值得一試。壽司拼盤 $252有10款壽司飯的酸度合適，刺身新鮮，都非常值得一試。以上套餐包含前菜，沙律，面豉湯及甜品一份。

好好食😍😍吉列蠔好大隻😆一個丼有四大隻，啲飯仲唔少，滑蛋份量都好多！午市90-12x呢個質素超級抵食☺️男朋友叫咗個壽司拼盤，魚生味道新鮮🌟個拼盤好似二百幾蚊，但我覺得OK嘅😊另外叫咗個燒豆腐串燒，外脆內嫩，值得一試，其實我都已經食過四五次😂但係每次叫串燒我都依然會繼續叫有時啲分店會唔俾鹽，但可以要求佢比鹽你點串燒，一碟有三款鹽。Lubuds集團嚟講，穴係質素比較穩定嘅牌子。其他就覺得一般般😌

太古城港鐵站一出，就近來到康怡廣場，場內美食商店有多種選擇，今次選了日式料理--穴，店內裝修華麗，高級，服務態度一流。早輪午膳，人流未算太多，但已有限時交枱，我被安排坐近bar位置，能看見廚師預備刺身，感覺不錯。叫了一客吉列廣島蠔蛋飯套餐，是即叫即煮，需要時間等候，上枱時，熱騰騰的飯加上吉列蠔，蠔身變得淋，不夠干身，不似如期，加上天時暑熱 我叫了這一款，實在有點後悔，下次掛住某種食物，都係要坐✈️去食。套餐包了一件大福，全餐最愛食品，甜而不膩，軟硬度適中。

穴嘅質素向來有保證，不過都一分錢一分貨，見佢依家有午餐menu就衝啊🤩有冷麵定食、多款熟食壽司便當，仲有埋前菜、蒸蛋同甜品，午餐黎講係超滿足🥰—— 雜錦天婦羅配蕎麥麵 $98兩隻天婦羅蝦size都唔細，厚肉彈牙，仲有茄子同冬菇，幾特別有個粟米仔天婦羅；全部炸皮都好鬆脆，唔油膩，炸得唔錯👍🏻蕎麥麵質好鐘意!!唔會太硬太軟，啱啱好有嚼勁—— 自選剌身丼 $130 選擇好多總共有24款配料揀‼️一般魚類都有，仲有貝類同蝦，亦都有霜燒嘅剌身揀🤩今次揀咗三文魚、霜燒油甘魚、霜燒左口魚裙邊、帆立貝、蔥吞拿魚腩、蟹肉，全部都好鮮味，剌身都唔會好薄，充滿油脂，完全唔係hea嘅剌身丼💯💯🌟推薦指數：9/10▫️▫️▫️▫️▫️▫️▫️▫️▫️▫️▫️▫️▫️📍#穴 (#康怡廣場) (#太古)太古康山道1-2號康怡廣場地下G9-G11號舖

又搵到勁抵食既自選魚生飯啦🐟之前睇網上介紹話呢間居酒屋係午市時段推左出自選魚生飯，想食咩魚生可以自己話事😍🥢午市自選刺身丼可以自選5款配料同1款米飯，我揀左醋飯底，再配左以下呢5款刺身：▪︎霜燒三文魚：好厚身，面層炙燒過，底層仲保留魚生口感，一次過可以滿足2個願望✌🏻▪︎蔥吞拿魚腩蓉：份量都幾多，油脂味重所以好香，質感亦夠滑，入口即溶👍🏻▪︎章紅魚：較有咬口，獨有既魚味幾出▪︎霜燒左口魚裙邊：油份極豐富仲幾大塊，但唔知點解好鹹，呢個有啲失望🥲▪︎油甘魚：油脂適中又好味，油甘魚果然冇得輸總括嚟講每款魚生都好新鮮，份量多仲又厚又大塊絕無欺場。除左主食外，仲配有前菜、沙律、味噌湯同甜品，當日既前菜木耳雖然偏鹹左，但係甜品係我好鐘意既蕨餅，仲要係好食㗎，食完呢餐可以話好滿足💗個餐真係好抵食，刺身選擇又多，每款都試既話起碼仲要去4~5次🤣，如果想係太古/鰂魚涌食價錢合理又好味既日本菜lunch，大推呢間

日本菜我真的百吃不厭之前品嚐過一頓豐盛的Omakase，今天輪到日式便當而這趟吃的非一般出品是由日本直送奢華食材的豪華便當。這天要吃的餐廳正是位於康怡廣場內的穴 Yaki ANA，這集團的出品一向不錯所以對新推出的便當挺為期待。聽聞集團的日本菜行政總廚*佬師傅*在這兒坐鎮那便更有信心了，餐廳以木系作裝潢是Classic的日本感覺，檯與檯之間挺為寬敞所以坐得份外舒適。我們一行三人來開餐點上了三款不同的便當和丼飯來分享！率先上檯的是店家全新推出的午市限定自選刺身丼，只需＄108便可自選5款優質刺身如果喜歡多點刺身還有＄130/6款和＄148/7款配料的選擇，另外還跟配上前菜、沙律、味噌湯及甜品這份午餐真的會非常滿足。自選丼飯的前菜、沙律及味噌湯質素和味道也挺不俗是的不錯的開始。自選刺身丼我們可從24款優質食材中自行挑選5款刺身，另外更可以＄30 追加原價＄82三文魚籽、＄58追加原價＄218的鹿兒島奄美出產香蔥吞拿魚腩2片，變成超級豐富的美味的大丼飯。我們選了甘香白的蟹膏、潤澤的油甘魚、軟滑鮮味的帆立貝、香口穴子及油香滿溢的霜燒左口魚裙邊，另外當然追加了特惠的鹹香三文魚籽及肥美可口的吞拿魚

這家日本料理由經驗豐富的師傅主理，用最上乘食材，每日日本空運，加上精湛的刀功及廚藝，每一道菜都精美又好味😋最近推出超抵食午市限定～自選刺身丼，價錢只需$108，可以按自己喜好，從18款食材中揀自選丼配搭，包括穴子、霜光油甘魚、左口裙邊、櫻花蝦等。 而且份量十足，每款都是厚切大件，覆蓋哂整碗丼飯🤩 另外仲可以追加鹿兒島奄美出產的香蔥吞拿魚腩 (只需$58），肥美甘香，入口即溶豐盛雜錦魚生便當 有角切的鹿兒島奄美吞拿魚腩、九洲油甘魚等，上面仲有好多北海道馬糞海膽😍，甘甜軟滑，豐盛又華麗 時令刺身壽司便當 用兩層木盒盛載，上層有四款日本時令刺身，最愛💗原隻東京灣紫海膽🌟，而下層則有八款時令壽司，包括燒鰻魚、赤鯥魚、北寄貝等，鮮甜美味滿足😌