LUMI (Closed)

餐牌第一度菜係「松葉蟹肉，牛油果沙律」，上菜時變咗大蝦沙律，以為上錯菜，問部長/經理，「今日無！」，為什麼落單時唔講？入座時派菜單都可以通知聲！今次啲墨魚汁炸帶子，比第一次食水準跌咗，而且帶子好細粒，好似五毫子咁大；帶子扁麵粒帶子都係一樣咁細！櫻花木煙燻三文魚及腰果海鱸幾好食。咖哩大蝦天婦羅炸粉太厚，蝦都唔大，咖哩汁浸住隻蝦，食時已經淋咗，如果汁分開上會好啲。其他食物一般，甜品荔枝香檳果凍都不及上次。