Video
Read full review
2021-03-03
347 views
午市黃金時間日日都爆場排長龍，今日都不例外！門口勁多食客等位，好采 5 分鐘就入得座。同事失策地點個肉丁餐肉炒飯，廚房師傅花掉 39 分鐘都未完成，最終送到係濕爛肉酸核突炒飯，趕時間所以同事免強倒落肚即埋單離開。不過對面食客姐姐黑面投訴低質炒飯要退貨，轉食火腿奄烈雪菜肉絲湯米算吧！大媽不停催促我落單，仲要企定定係側邊比壓力我！我回應幾次都話未諗好咯，您新黎架？好生口面喎。我脾氣好息事寧人急急求其叫個 XO 醬豬頸肉炒麵走蔥走芽菜配凍齋啡走甜。我地三個同事都係食炒麵，但只得 1 對筷子 2 支叉，同大媽 1 號講比多兩對筷子，遲遲未取來！再叫多 2 次要筷子依然不取來，我再叫大媽 2 號照樣懶理！火都黎谷鬼氣，自己行去攞好過！XO 醬豬頸肉炒麵，落單時重複 3 次走蔥走芽菜，無錯真係無蔥無芽菜，但勁落韮王！要我慢慢續條挑走，挑完都凍晒！我要凍齋啡走甜，無走甜要彈回頭﹗凍冰冰 XO 醬豬頸肉炒麵，沒有半點鑊氣，亂糟糟的撻在碟中一塌糊塗！幼幼乾爽麵條入口彈牙嚥韌不油不膩，生老抽連 XO 醬微辣清香好味道，豬頸肉味濃肥騰騰而帶爽滿意。切雞髀燒鴨髀飯，午餐竟然有雙併燒味飯提供，而且阿姐話只需加
大媽不停催促我落單，仲要企定定係側邊比壓力我！我回應幾次都話未諗好咯，您新黎架？好生口面喎。我脾氣好息事寧人急急求其叫個 XO 醬豬頸肉炒麵走蔥走芽菜配凍齋啡走甜。我地三個同事都係食炒麵，但只得 1 對筷子 2 支叉，同大媽 1 號講比多兩對筷子，遲遲未取來！再叫多 2 次要筷子依然不取來，我再叫大媽 2 號照樣懶理！火都黎谷鬼氣，自己行去攞好過！
XO 醬豬頸肉炒麵，落單時重複 3 次走蔥走芽菜，無錯真係無蔥無芽菜，但勁落韮王！要我慢慢續條挑走，挑完都凍晒！我要凍齋啡走甜，無走甜要彈回頭﹗凍冰冰 XO 醬豬頸肉炒麵，沒有半點鑊氣，亂糟糟的撻在碟中一塌糊塗！幼幼乾爽麵條入口彈牙嚥韌不油不膩，生老抽連 XO 醬微辣清香好味道，豬頸肉味濃肥騰騰而帶爽滿意。
切雞髀燒鴨髀飯，午餐竟然有雙併燒味飯提供，而且阿姐話只需加 $5 蚊，真的平宜到如此嗎？眼見原來係鴨髀不是鵝髀，阿姐又話係鵝髀既？富華燒味出品一向有質素，切雞骨皮薄滑溜，鳳脂甘甜還藏著透明啫喱狀膠原蛋白，白肉彈彈滴汁，咸香帶著雞甜味，估不到的超高班！燒鴨髀雖然無論如何都比燒鵝質低，幸好皮香肉嫩，陣陣誘人香料味道，不得不承認食得過！我要炒底再次漏單比白飯。侍應阿姐阿嬸們經常落錯單，專心一點、用心聆聽好嗎？激死我！
煎蛋叉燒飯，黯然銷魂飯！雖然賣相不討好，跟食神碗飯相比差天共地，幸好高質好好味！叉燒肥美彈彈鬆化，不鞋而甜美仲有焦香，份量多多夠送飯有餘。煎雙荷包蛋爆汁，蛋漿撈飯極美麗動人！
燒肉燒鴨髀飯，燒肉滿分無投訴，皮脆肉嫩咸香得宜肥膏爽甜送飯一流！非髀不愛的我每次都只食髀，鴨髀只得兩舊係髀，餘下四舊用骨杉杉鴨背脊頂包，以為瞞得過我嗎？鴨肉比鵝肉真的乾鞋多，不及鵝肉緊緻，不過都滿意合格。
燻蹄油雞髀飯，抵食拼髀 $52 蚊。將酸醋直接淋在燻蹄上再躺在豉油撈飯塞進，陣陣溫柔咸鮮，皮彈瘦肉嚥韌。肥美油雞髀，薄皮清甜不過咸，有著麥芽糖味道，白肉滑嘟嘟嫩嫩鮮甜。
燒肉切雞髀飯，早前食唔到燒肉，我一定要食得到，我就最硬頸架喇！食得到也未必好，肥騰騰油膩，咸咸加燶燶，刮口鞋鞋，十分失望！高檔次切雞髀，油潤甘甜，肉汁滴滴，鳳脂微滲，白肉咸香回味。
XO 醬叉燒炒公仔麵，鑊氣十足，XO 醬微辣惹味掛在麵條上，麵質乾爽不太油亦無過腍。捲埋帶甜鬆化叉燒品嚐，別有一番風味。豉油椒鹽豬扒飯，香噴噴新鮮炸起剛剛出爐，我還以為會係香茅豬扒添。醃味濃厚散發重蒜味，香口微脆大大塊肉躺在少少白飯上一啖塞入，油脂甜豉油在舌尖打滾，回味無窮。
黑椒雜扒飯炒底，有豬扒、火腿、腸仔、叉燒，首次遇到雜扒有叉燒，仲要配黑椒汁，笑死我。黑椒汁偏甜不香不辣，炒飯底有鑊氣夠乾身飽滿。以我多年用餐經驗所認知，雜扒會從牛扒、雞扒、豬扒、雞翼、煎蛋、餐肉、火腿、煙肉中挑選，那會用到燒味呢！侍應阿姐稱雜扒飯等於求其是但無特定，所以有叉燒完全唔出奇。下次會唔會整個黑椒咸蛋四寶飯炒底過我？
火鴨絲炆伊麵，多年來第一次使我讚嘆不已！香濃味美有鑊氣熱辣辣，混入燒鴨汁滲透每條伊麵，濃郁香甜的肉味，伊麵嚥韌彈牙順滑有咬口，夾住火鴨絲一齊食無得頂！
XO 醬火鴨絲炆伊麵，嘆過幾次都色香味俱全幾乎滿分！但我今次係要雪菜火鴨絲，突然想食菜。完成度高水平，熱熱輕煙飄逸香氣撲鼻，長長彈牙伊麵被甜豉油染成啡色，夾著鴨絲大口大口地享用，肉香醬辣麵爽值回票價。
菠蘿沙嗲牛肉炒米粉，無味煎米粉，油油脆脆米粉餅不喜歡！極鬆滑潺潺牛肉片吸盡甜甜沙嗲汁，好采有微酸菠蘿使得味道不太甜淋淋而膩滯，甜汁始終一般。生炒排骨飯，生炒骨的式一口骨杉杉，微脆薄薄皮包骨無肉食，甜酸汁濃厚開胃唯一可取。
XO 醬豬扒炒烏冬，香茅豬炸得香口少少脆，略咸一點點。豉油皇 XO 醬炒得均勻，每條烏冬都染成亮麗啡色，即食烏冬粉粉結實乾爽大注大注品嚐，幸福美滿。雪菜火鴨絲炆伊，多次火鴨絲都美味可口，但眼前的鴨絲有羶味呢！伊麵滑滑吸汁長啜長有，面頭美味底部略咸。
咖哩斑腩飯炒底，濃厚咖哩汁永遠都是炒飯良伴！茶記咖哩味不失芬芳，大量黏黏咖哩汁包著滑嘟嘟有魚味斑腩，再配大大啖鑊氣炒飯，塞到嘴仔脹卜卜地細味，混合得美妙絕倫！忍不住一二三四五接連狂噬，差點碟都食埋呢。
乾炒肉絲麵，我要走蔥走芽菜，依家要我親手續條續條挑走，可惡！花掉我寶貴時間終於清晒所有蔥段芽菜，可以安心狠狠地吸啜！炒麵大注大注夾著肉絲不停趙，幼麵爽彈乾身有鑊氣，生老抽黃金比例咸甜均勻，辣椒醬也不用，轉眼全部吞下大滿足！豆腐火腩飯炒底，真的令人失望！豆腐及燒肉同樣凍冰冰，芡汁熱熱菜芯熱熱，火腩勁肥好采不太咸免強合格，師傅炒飯高質乾爽香噴噴。
鮮茄焗豬扒飯，螢光橙就見得多，但大紅色都係第一次！重口味茄汁咸咸的，薄豬扒肥騰騰一樣咸咸的，乾硬咸表露無遺。飯底無點炒過，不香不甜得少少蛋碎，而且焗燶了有燶味呀！求其連豬扒連汁連飯鯨吞落肚，有點銀胃啊！如果有加芝士會更惹味，加菠蘿酸酸甜甜也不錯。
XO 醬金菇肥牛炆伊麵，廿十成熟肥牛羶羶地韌韌地程瘀啡色。XO 醬惹味滲透每條伊麵，濕滑狂啜夠濃夠辣，正！雪菜火鴨絲炆伊，我要肉絲炆伊唔係火鴨絲，經常錯單激死我！大媽您新黎架？都話走芽菜咯，依家變成多芽菜加韮王，兩樣我都唔食，花掉大量時間挑走，揀完食凍麵！勁大舊燒鴨肉唔係切絲，味道濃濃生老抽混得平均，嚥韌彈彈完整不散碎伊麵，高質好味道，但帶著顯著的韮王芽菜腥臭味。
XO 醬海鮮炒烏冬，落指天椒齊齊炒，夠晒辣好興奮！雪藏貨雜錦海鮮最有味道係鮮魷，其次就係蜆肉，蝦仁完全無味，不過全部都無丁點鮮味，居然加入魚柳碎有誠意！炒得有鑊氣出晒煙熱騰騰，即食烏冬彈滑，生老抽味濃可口不需要辣椒醬添。
三絲炒米，叉燒絲豬肉絲火腿絲，還有蔥及芽菜。生老抽炒成，嚥韌沒發脹的米粉質感一流，味道還可以。星洲炒米全走，全肉咖哩炒成，蝦仔叉燒絲火腿絲微辣香口，米粉夠彈牙夠乾爽大愛。
三絲炒瀨，雞絲、腿絲、洋蔥絲、蛋絲、蔥段、芽菜，這就是三絲？我完成食唔到，洋蔥絲、蔥段、芽菜都不食的﹗免強挑幾條瀨粉，沒怎麼的味道，芽菜腥味最嗆，豉油味清淡。
XO 醬金菇肥牛炒意粉，師傅好叻喎，終於有走蔥走芽菜，不過加洋蔥囉！我已講五次要炆伊麵，最終變成炒意粉，經常性都錯單！細心挑走所有洋蔥就可以安心地大啖大啖地消滅，熱騰騰濕潤滴晒汁微辣惹味，肥牛韌嚥泛著少少羶味。意粉入口感到非常可疑，沒有意粉味道的即食意粉，質感在拉麵及意粉之間，整體色香味合格的。
焗粟米雞扒芝士腸天使麵，想食吞拿魚，但唔想食芝士；想食粟米，但唔想食芝士腸，因時間關係趕住落單，亂叫焗粟米雞扒芝士腸天使麵。諗諗下完全唔係我想食既菜色，點解唔叫焗粟米吞拿魚鮑魚意粉呢？我實在太眼訓了。
我主要想食粟米，不幸地十粒都無，整個意粉完全無粟米味道，只有濃濃寡寡的忌廉白汁味，中庸無特別。溶化了的天使麵，爛蓉蓉的賣相已夠驚嚇！爛到不能用叉羮食，只好轉用筷子吧！腍成一劈散筲筲，好采有杰撻撻白汁黐實先夾得起，好似食緊糊仔，無牙都一樣食到！師傅是否將天使麵整斷先烚？每條都好短喎。咸咸的黑椒雞扒碎上，乾硬結實不喜歡，不切整件會更好。芝士腸焗到焦香，皮脆肉嫩多汁熱辣辣滿意。
同事的 XO 醬炒飯最先到，見隔離阿嬸比我地更早落單燻蹄切雞飯都未到，臉有難色有點煩燥了！食得富華燒味飯就預左排長龍要等十分鐘以上，依位阿嬸梗係好少幫襯。接住炒瀨粉送到，同事個炒飯都食完，最後我個焗天使麵最後終於到步。
鮮魷豉油皇炒麵，鮮魷灼過再炒嗎？爽脆無任何味道，連咸味也沒有。炒麵過濕太多汁，好采質地不太腍，生抽老抽味道不錯。原本只需 10 分鐘的午餐花上我 30 分鐘！講兩次全走，臨尾再加多句淨肉不蔥不芽菜都係唔鬼理我！唔知係侍應叔叔無寫，還是師傅無睇！平時我真係掉低唔食埋單走人。早前我要通粉，就比螺絲粉，最憎螺絲粉，掉低唔食即閃！
切雞髀燒鴨髀飯
9 views
0 likes
0 comments
XO 醬叉燒炒公仔麵
15 views
0 likes
0 comments
豉油椒鹽豬扒飯
12 views
0 likes
0 comments
黑椒雜扒飯炒底
13 views
0 likes
0 comments
火鴨絲炆伊麵
8 views
0 likes
0 comments
菠蘿沙嗲牛肉炒米粉
6 views
0 likes
0 comments
生炒排骨飯
19 views
0 likes
0 comments
切雞髀燒鴨髀飯
5 views
0 likes
0 comments
XO 醬豬扒炒烏冬
5 views
0 likes
0 comments
煎蛋叉燒飯
3 views
0 likes
0 comments
咖哩斑腩飯炒底
2 views
0 likes
0 comments
豆腐火腩飯炒底
1 views
0 likes
0 comments
豆腐火腩飯炒底
1 views
0 likes
0 comments
XO 醬火鴨絲炆伊麵
9 views
0 likes
0 comments
鮮茄焗豬扒飯
1 views
0 likes
0 comments
鮮茄焗豬扒飯
5 views
0 likes
0 comments
燒肉燒鴨髀飯
9 views
0 likes
0 comments
雪菜火鴨絲炆伊
0 views
0 likes
0 comments
燻蹄油雞髀飯
1 views
0 likes
0 comments
燻蹄油雞髀飯
5 views
0 likes
0 comments
燒肉切雞髀飯
8 views
0 likes
0 comments
燒肉切雞髀飯
1 views
0 likes
0 comments
XO 醬金菇肥牛炆伊麵
3 views
0 likes
0 comments
雪菜火鴨絲炆伊
0 views
0 likes
0 comments
星洲炒米全走
3 views
0 likes
0 comments
焗粟米雞扒芝士腸天使麵
3 views
0 likes
0 comments
焗粟米雞扒芝士腸天使麵
4 views
0 likes
0 comments
鮮魷豉油皇炒麵
1 views
0 likes
0 comments
鮮魷豉油皇炒麵
2 views
0 likes
0 comments
XO 醬金菇肥牛炒意粉
6 views
0 likes
0 comments
Post
