富華燒臘飯店

Open Now

Now Closed

我和朋友一同入座卡位，各叫一個下午茶餐，當時已進食到尾聲。其中一位女性樓面不顧我和朋友還在飲用餐飲聊天時，沒有詢問一聲就伸手到我和朋友的面前近距離收走面前的碗碟。過不到一分鐘，另外一位女性服務員（收銀），再行近收走我的凍飲杯時說「你地係咪食完喇？」示意要我們離座。當時我的朋友還未飲完他的凍飲，說「畀多5分鐘，飲埋杯嘢飲得唔得？」當時負責收銀的女性服務員無回應，但是，轉頭就將一個寫住「留座」的金屬牌拋到枱面，直接碰撞到我朋友的手。到我們離座，到了舖面付款時跟收銀的女性服務員說她剛剛態度有問題，也用金屬牌弄到了朋友的手。她一口否認有弄到朋友的手。我們堅持說我們兩個人都看到事情發生時，她就不願回應。當我們說我們只是用餐20分鐘就要被示意離開，她只說了一句「不知道」，完全沒有道歉的意思。由點餐，當我的朋友完成他的飲品，我們離座時才過了20分鐘。服務員不止態度惡劣，顧客用餐時間也被限制。試問只是用20分鐘食一個下午茶都不容許嗎？為何要受到如此惡劣的態度對待？以後也不會再光顧，以免再遭到如此不合理對待！

份量夠大，尚算好食，但換咗新一批服務員，特別係收銀員，說話大聲吵耳欠禮貌， 客戶帶一個小小行李喼內進， 大部分員工都盡量安排最入面的座位。反觀收銀員要求放行李箱於街外，不合情理！ 原來裏面張枱留給熟客，謝絕外來的客人！ 咁樣態度再好食都只可以留給熟客， 大家諗清楚先好去， 免得給人黑面責罵！

附近番工所以周不時會係紅磡廣場搵食，而每次經過富華都見到好多食客食lunch, 經常坐無虛席。今日戚起條筋想食燒味飯，醒起富華其中一樣出名就係燒味飯，於是今日就拉大隊同 同事一齊去左富華食lunch.我叫左雙拼燒味，叉燒油雞飯。叉燒肥瘦適中，juicy 不會燒到好乾。豉油雞肉嫩滑，不柴夠juicy, 平時好驚啲雞勁肥，但富華的豉油雞不會太肥。再加上淋面的蔥油，加埋豉油汁撈埋啲飯到，非常好送飯！整體味道不錯。

當年係附近返工. 間唔中就來富華係早餐及午餐.  好耐冇來掛住塊大大件吉豬. 又回來啦!沙嗲牛肉麵 - 可以雙拼多樣野. 我地就係鐘意沙嗲牛肉唔駛雙拼. 沙嗲好香濃, "傑"身唔係水汪汪, 牛肉淋小根. 家陣都想食....食過好多間, 平既貴既都唔及佢.吉列豬扒拼腿腸旦牛油多士 -  塊吉列豬扒成隻手掌咁大! 炸到好脆好香, 仲有好多肉汁. 真係好抵食依個市道 一個早餐$38唔算貴. 有咁多野食又有野飲已好好!

昨晚飲太多唔願爬起身，起身要去便便，要花掉 $250 蚊飛的，依個便便真貴﹗好很貴的早餐，以 $250 蚊的士代價交換的。專登兜去平記想食份厚多士，誰知無位﹗其實好多位，不過全部四座卡位都被兩條友霸住，廳中間方檯成群阿叔阿伯一人一袋，人要坐連袋都要坐。香港居然變到如此境地，什麼文化？什麼公德心？我唯有專登問侍應叔叔有無位，驚訝地回一句門口等等。既然您唔安排唔想處理，我去第二間食，我唔會再黎幫襯！高朋滿坐，全場爆滿，大部份食客都係即食麵，眼見搞到水吧、廚房有點手忙腳亂，半霖檔模樣！依位西面州民肥姐侍應目無表情，真的您的待遇如何，您的樣子也必如何嗎？跟我係年青時做快餐店處理方法一樣，拆晒所有出前一丁排好係筲箕，沖沖水喉水放係一邊攤腍，那就可以速煮 1 分鐘上檯，但攤得太耐或水份太多的話，食落會有生水味，麵味流失過腍粉口極度討厭，只有鮮煮才會最爽彈滑最好食！熱奶茶，不是特別出色，中規中矩無特別，最好飲都係合記。凍檸茶走甜，通透的茶色，清爽的茶味。牛扒出前一丁，牛扒屬快餐店質素但有香草味，牛扒韌到似橡膠，好采我有牙力！辣油有冠益影子，辛辣油香掛著軟滑入味丁麵，狂野地啜得精彩絕倫！火腿奄列，非食

午市黃金時間日日都爆場排長龍，今日都不例外！門口勁多食客等位，好采 5 分鐘就入得座。同事失策地點個肉丁餐肉炒飯，廚房師傅花掉 39 分鐘都未完成，最終送到係濕爛肉酸核突炒飯，趕時間所以同事免強倒落肚即埋單離開。不過對面食客姐姐黑面投訴低質炒飯要退貨，轉食火腿奄烈雪菜肉絲湯米算吧！大媽不停催促我落單，仲要企定定係側邊比壓力我！我回應幾次都話未諗好咯，您新黎架？好生口面喎。我脾氣好息事寧人急急求其叫個 XO 醬豬頸肉炒麵走蔥走芽菜配凍齋啡走甜。我地三個同事都係食炒麵，但只得 1 對筷子 2 支叉，同大媽 1 號講比多兩對筷子，遲遲未取來！再叫多 2 次要筷子依然不取來，我再叫大媽 2 號照樣懶理！火都黎谷鬼氣，自己行去攞好過！XO 醬豬頸肉炒麵，落單時重複 3 次走蔥走芽菜，無錯真係無蔥無芽菜，但勁落韮王！要我慢慢續條挑走，挑完都凍晒！我要凍齋啡走甜，無走甜要彈回頭﹗凍冰冰 XO 醬豬頸肉炒麵，沒有半點鑊氣，亂糟糟的撻在碟中一塌糊塗！幼幼乾爽麵條入口彈牙嚥韌不油不膩，生老抽連 XO 醬微辣清香好味道，豬頸肉味濃肥騰騰而帶爽滿意。切雞髀燒鴨髀飯，午餐竟然有雙併燒味飯提供，而且阿姐話只需加

返工地點位處紅磡, Lunch time 想食碟好味D滿意D嘅燒味飯, 談何容易?庇利街友記, 餐廳環境唔係咁理想都算, D叉燒又硬又乾, 重要無冷氣, 放棄.再行前D果間三寶, 更差! 質素同份量之前已經寫過食評, 列入本人黑名單之中!心血來潮突然間想話食個燒味飯, 上網搵搵，見到有富華嘅推介，於是走去睇睇.幫襯富華唔係第一次, 富華完全係茶檔格局, 唔似燒味店, 所以忽略咗.一入到餐廳見到得翻兩隻吊住嘅燒鴨, 細問之下原來重有叉燒提供, 好彩!不過坐底唔夠五分鐘, 叉燒沽清!我點咗叉鴨飯, 多色, 加蔥蓉, 凍0茶少冰, 唔該!優點 :1) 叉燒屬半肥瘦, 鬆軟入味, 夠甜. 掂! 咁快沽清有原因!2) 燒鴨肉嫩夠肉汁, 而且肉多骨少, 唔會好似三寶咁有份量不足感覺.3) 蔥蓉係我最最最重視一環, 富華嘅蔥蓉夠香口無過咸, 絕對令成碟燒味飯味道提升.滿意.4) 餐廳冷氣足夠.缺點 :1) 凍0茶要少冰無少冰.2) 價錢偏貴! 成51蚊! 貴過包煙!3) 地方淺窄而且搵位不易.4) 蔥蓉份量過少, 如果減油更理想.5) 講到底..... 始終唔係正式燒味店, 所以好多產品欠, 例如四

香港人成日煩去邊食早餐 。今日我就係公司附近開餐 —有水準茶餐早餐 富華佢都係賣經典茶餐早餐 但今次就特別介紹佢兩款早餐-沙嗲牛肉麵餐-公司三文治我本人覺我必食又比較抵食既係沙嗲牛肉麵配菠蘿包 加凍OT—$38首先介紹個沙嗲牛肉麵 -好夠入味 牛肉同沙嗲份量都好夠，同個麵底唔係話好軟個種 。 但就要睇翻個人口味啦 ，都叫做幾濃味 ，如果喜歡食清淡既朋友就要考慮番。雖然話個菠蘿包係配既，但都唔馬虎。佢有叮番熱比客人，包面啲糖重溶溶地 。最推薦係佢既碎冰凍OT,我每日都一杯，茶味夠濃 又夠凍。然後公司治—$31都係同其他茶餐一樣1開4 同用料都係個啲。但特別要講係佢芝士溶溶地同烘底都做得幾脆幾出色

🍴#沙嗲牛麵 應該係香港人必食既野 但咁代表香港茶記既野 唔係間間都做得好食既 食過好多間 最令我念念不忘既一定係元朗果間 不過要入去新界的確好遠 偶然發現附近上班族話呢頭有間出色既沙嗲牛麵 就去搵食喇唔講真係唔知 原來紅磡廣場入面係有咁多餐廳🙈sorry 見到個門口咁老派 真係除左去萬寧係唔會行入去入到去好多人係食燒味既 於是我兩樣叫哂黎試！#沙嗲牛肉麵 跟餐有得揀配菠蘿包/多士/火腿奄列/煎雙蛋多士 我本來叫菠蘿包 但賣哂就要左煎雙蛋多士 跟中西湯/熱飲，凍飲+$3。自己少煲湯水 所以叫左中湯 又唔洗加錢 成個常餐$35豬骨湯都幾大碗下～係食湯麵咁大碗！多渣！好熱但個人覺得都溝得多水！又未至於好淡既！多士即烘，均勻，牛油即溶，金黃色唔錯！我偏愛 #牛油多士加砂糖 要夠熱先好食！多士唔係好薄果種，有一定厚道，讚👍🏻煎雙蛋係荷包蛋黎，唔燶邊但隻蛋係普通蛋，我食慣湖北蛋覺得差dd啦～#沙嗲牛 係重點! 一上枱就見佢個沙嗲感該幾濃下！牛肉份量都多既！撈哂碗湯個汁都算濃既！而且唔係花生醬🥜勁重果種，因為我好唔鍾意食到有花生，但呢間係做到香而且濃既！真係唔錯！當然都不及元朗果間咁特濃啦～但呢間

呢間喺紅磡廣場入面嘅茶餐廳，啲餐枱開到走廊都係，因為真係好多人食，佢喺呢度主要做早市同午市嘅生意👍🏻。不過坐位較迫，地下有時比較濕，要小心啲，同埋預咗坐得唔耐。btw聽講佢啲燒味好出名，所以都見到好多人食，佢每日有唔同嘅午餐，平均4x元到，而佢有啲快餐常餐嗰啲就每日都有，仲非常抵食。🤪同事最初帶我嚟食都係因為佢嘅沙嗲牛，配公仔麵定係米粉都好好食，因為佢真係好濃，而且牛肉嘅量都唔少。但米粉會更加索湯，如果慢啲食會有啲變左撈粉咁🤣，但都好食。另外，佢個餐係配奶醬/油多士或者火腿奄列，如果同人share就可以2樣食哂，但2揀1的話，我會揀奄列，因為好大份又好香蛋🥚味。咁樣都係$36咋！食完仲要好飽飽！非常抵，而最重要係佢啲沙嗲牛真係好正。但留意返，佢好似剩係開星期一至五？所以食前要Check check！

由於上次去幫襯富華嘅粟米肉粒飯質素唔錯, 念念不忘所以再幫襯, 而且再點番粟米肉粒飯.點知... 上次分開上嘅粟米肉粒安排消失咗, 濃郁嘅芡汁淡咗, 換黎嘅係粟米芡汁加肉粒鋪哂上飯面.....雖然粟米芡汁無上次咁正, 但都唔係話太差, 芡汁份量少咗D, 而今次真係肉粒唔係上次嘅粟米肉絲飯, 有改善.另外點嘅燴海鮮飯，海蝦同魷魚唔係冷藏貨，成個飯份量頗大，抵食。檸檬茶係欣賞環節, 有D茶檔個杯 Size 勁細, 富華個杯份量叫大, 而且味道啱自己口味, 甜中有茶味, 再加上叫佢地少冰又真係少冰, 真係跟客要求去做喎, 抵我再黎幫襯啦!  

好耐好耐好耐 (重要說話講三次！) 無幫襯d美心大家樂大快活等等嘅連鎖餐廳，記得有一次幫襯 (耐到唔記得係邊間嚕！) 點個粟米肉粒飯，價錢又貴餸又少得可惜，試過幾次都係咁，就開始減少去連鎖快餐店。日本朋友話想食燒味飯，見到富華掛出黎嘅燒味好靚好特別 (留意係日本人眼光)，所以想試試。我見到又唔覺特別，自己就叫咗個粟米肉粒飯。每個人對叉燒喜好唔同，日本朋友話怕肥，所以中意瘦叉，我中意半肥瘦，所以，黎到嘅瘦叉啱哂日本朋友口味，味道夠甜夠味，口感唔太硬，合格啦！日本朋友點嘅係叉油雞飯，油雞係雞脾，其實我唔太中意雞脾哩個部份，中意雞胸，日本朋友又中意雞脾喎，真係啤一聲！與其話粟米肉粒飯，不如話係粟米肉條飯更貼切，而份量比連鎖店大，單睇份量已經嬴哂連鎖店啦，再講，味道重要唔差，粟米汁係連鎖店唔會出現嘅超濃郁版本，係我中意嘅質感，再加上雞肉入味，叫我重點幫襯連鎖快餐店啫！唯一不滿係座位坐得唔太舒服囉....

速食文化，好有基地香港茶餐廳文化，坐位好逼，份量少，好趕住想你走；我叫左個特餐；叉燒米粉配火腿奄列+熱檸水$34係依區算正常價錢，但一入去又被逼坐係卡位，3個人唔好話坐，放野食都真係好逼依到必食既招牌叉燒6-7小塊，半肥瘦正！米粉都算大碗，味精唔算太重，奄列好滑包住滿滿既火腿，蛋汁豐富同火腿絲混合，蛋夠哂滑溜，一啖落落去蛋汁流出，夾雜著煎過既蛋皮同半熟蛋，口感超豐富熱檸檬水唔會有苦澀味，糖自己可以唔落就健康d la

行到紅磡好想食燒味飯，就行左黎紅磡廣場搵食；見到依間連門口都坐滿人就入去試下，傳統茶餐廳感覺卡位好逼坐得唔舒服，侍應快手快腳不停問你食咩，但求你快快食完讓位比下個；直接了當叫左個切雞燒鴨飯$47（送凍檸茶）檸茶大大杯一定比出面正常大杯，仲要唔洗加錢，多冰夠哂凍依點要讚👍🏻可能人多都等左差不多10分鐘飯先到；嘩嘩嘩～飯小到女仔食都覺得小，汁好多好睇唔咸，加埋好彩蔥油少，咁好彩切左隻雞肶我，唔洗講啦！雞肶滑一滑🐔燒鴨雖然加$3但都啖啖肉，唔會淨係得骨但有小小膻味切雞叉燒雙拼飯$44叉燒好香，燒到脆卜卜，依碟切雞唔係雞肶都好滑，件件雞胸肉，岩岩夠飽，但的確小飯，同埋全碟肉如果加多2-3條菜會更好！熱檸水；檸檬夠多酸得黎唔會苦整體黎講同區太貴，份量比較小，坐位比較迫，姐姐態度麻麻趕著走

好鐘意佢呢個炸魚腸仔早餐！炸魚新鮮炸起，外脆，魚肉唔乾～ 配沙律醬好有以前快餐 feel。腸仔有煎過，唔似好多茶餐廳就咁烚咗就算。搽咗牛油嘅厚多士亦正，外脆內軟！ 最好飲杯茶嚟解下油膩感！ 茶走冇走雞！