Video
Read full review
2021-09-24
229 views
🙋🏻♂️餓底探員今晚去咗尖沙咀調查呢間勁難book枱嘅afternoon tea🍽🫖Afternoon Tea $798🥪 Tea Sandwiches📸表示三文治共有四種味🟠⚪️🟡⚫️，色彩豐富加上排列有序，充滿治癒感分別係🙋🏻♂️表示三文治口感軟熟，四款味道各具特色🟠🥪蟹肉牛油果呢個組合，蟹肉鮮甜，牛油果醬香滑，食落好清新⚪️🥪芝士火腿呢個組合雖然好普遍，但芝士夠香濃，火腿又係厚切，食落有驚喜🟡🥪煙三文魚配魚子醬呢個組合，三文魚煙熏味重又有咬口，配埋caviar，配料咁上乘，食落無得輸⚫️🥪黑松露蛋沙呢個組合，兩種配料都係餓底嘅至愛，蛋沙律香甜、黑松露片濃郁，食完仲有餘香，食落勁滿足🍄 Elegant Surprise📸表示用一隻小巧精緻嘅杯裝住個黑松露忌廉湯，望落已經好elegant🙋🏻♂️表示個湯好杰身，面頭有whipping cream配香濃嘅黑松露，細細杯淺嚐啱啱好，如果太大杯會有飽肚感，貼心得嚟又好味，係surprise嘅🧈🥧Freshly Baked Delicacies📸表示呢個有兩款scones，plain同raisin，再配埋兩款果醬同clotted cream，仲有得r
🍽🫖Afternoon Tea $798🥪 Tea Sandwiches
📸表示三文治共有四種味🟠⚪️🟡⚫️，色彩豐富加上排列有序，充滿治癒感分別係
🙋🏻♂️表示三文治口感軟熟，四款味道各具特色
🟠🥪蟹肉牛油果呢個組合，蟹肉鮮甜，牛油果醬香滑，食落好清新
⚪️🥪芝士火腿呢個組合雖然好普遍，但芝士夠香濃，火腿又係厚切，食落有驚喜
🟡🥪煙三文魚配魚子醬呢個組合，三文魚煙熏味重又有咬口，配埋caviar，配料咁上乘，食落無得輸
⚫️🥪黑松露蛋沙呢個組合，兩種配料都係餓底嘅至愛，蛋沙律香甜、黑松露片濃郁，食完仲有餘香，食落勁滿足
🍄 Elegant Surprise
📸表示用一隻小巧精緻嘅杯裝住個黑松露忌廉湯，望落已經好elegant
🙋🏻♂️表示個湯好杰身，面頭有whipping cream配香濃嘅黑松露，細細杯淺嚐啱啱好，如果太大杯會有飽肚感，貼心得嚟又好味，係surprise嘅
🧈🥧Freshly Baked Delicacies
📸表示呢個有兩款scones，plain同raisin，再配埋兩款果醬同clotted cream，仲有得refill
🙋🏻♂️表示未食已經聞到香噴噴嘅牛油味，食落口感鬆軟，餓底對果jam麻麻，所以個scone只係搽咗香滑嘅clotted cream嚟食，個人比較鍾意plain scone，雖然scone有得refill，但唔好食太多，仲有兩架甜點trolley嚟緊，記得要留肚呀
🍰🛒Pastry Trolley
📸表示呢架trolley有五款甜點供應，分別有cheese cake，綠茶撻，柚子蛋糕，cupcake，仲有signature嘅拿破侖，另有士多啤梨醬同呍呢拿醬兩款toppings提供，每款甜點都可以refill
🙋🏻♂️表示重點推介佢個signature拿破侖，呢個mille-feuille外皮焗得好酥脆，入面配有vanilla custard，個custard好香滑，仲食到有一粒粒嘅呍呢拿籽，個拿破侖面頭有金箔，好味得嚟仲好grand，另外柚子蛋糕同cheese cake都唔錯
🍫🛒Confectionery Trolley
📸表示呢架trolley以朱古力為主，同樣有五款甜點供應，有黑森林蛋糕，Tiramisu，香蕉朱古力撻，chocolate roll同果仁朱古力，亦有提供朱古力醬for toppings，仲要每款都可以refill，chocolate lover又點可以放過呢架trolley呢
🙋🏻♂️表示呢架trolley嘅甜點大部份都係用dark chocolate整，所以唔使驚會好甜，黑森林蛋糕軟熟，冧酒味重但無搶咗啲朱古力味，味道好有層次感，香蕉朱古力撻外皮好鬆化，面頭鋪滿朱古力醬，夾心係香蕉蓉，餓底唔太好香蕉味都食到，另外Tiramisu同朱古力卷都好食
🫖Tea Selection
📸表示有多款茶同咖啡可以選擇，餓底㨂咗隻Choco Mint Truffle Tea，透明嘅茶壺放喺蠟燭爐上面㷫住，保溫同時又放便店員留意幾時需要refill
🙋🏻♂️表示呢個Choco Mint Truffle Tea飲落有陣陣薄荷朱古力味同埋vanilla嘅香味，茶味香醇得嚟又甜甜地，呢壺茶夠特別
對上一次食The Butterfly Room已經係兩年前嘅事，之前savory係用層架放，雖然已經唔同咗，但食物仍然keep到咁高質，服務態度亦非常好，餐廳環境舒適，夜晚餐廳嘅燈光昏暗，對比起日頭嚟食呢個afternoon tea，今次又有另一番體驗，btw呢個係咪應該叫evening tea🤣📈吃貨指數
😋好味度 9.5/10
🔙返啅度 9/10
Post
