正記菜館

Open Now

Now Closed

今日一班人行完山，行完山要食得夠飽，一班人又要可以一齊坐，最岩就係去叫餸食飯既地方。呢間正記一向多人食，野食應該唔錯，我地就揀左呢間。一班人可以叫多啲餸，試唔同既餸菜。我地叫左9個餸。椒鹽鮮魷好惹味，唔算多粉。脆炸鹹豬手幾入味，唔會柴。士多啤梨牛柳酸酸地，但無士多啤梨，又無士多啤梨醬，唔知點解叫士多啤梨牛柳。蠔仔餅正常發揮，幾好。豆苗略為油左啲，但都可以接受。沙嗲肥牛金菇煲比平時食既無咁重沙嗲，清啲啲，我覺得都好食。肉碎茄子煲幾惹味，好食。薯仔蜜汁牛柳粒好惹味，好好食。正記小炒皇有韭菜，腰果，同蝦，味道ok。份量正常，一人叫一碟，夠哂飽，整體味道都唔錯。