綠茶餐廳 (圍方)

Open Now

Now Closed

星期四中午一點半到達，冇人等位，入座率大約六成， 我們兩個大人被安排較近門口位置嘅單邊梳化位。一坐下，侍應會問你要紅茶定綠茶，茶芥每位12 蚊，用qr code點菜，每碟份量比較少(我諗頂盡只可當二人份量😑)，淺嚐。我哋嗌咗 雪菜黃魚麵、尖椒臭豆腐、 甜品: 黄桃桃膠& 西湖雷峰塔， 雪菜黃魚麵的黃魚係炸過先，所以有個脆皮，再浸湯，感覺上有啲肥膩， 魚肉質一般 ，另外臭豆腐唔係香港特色嗰隻臭豆腐，個人覺得味道麻麻地 ，另外，我覺得最好味嘅就係黃桃桃膠， 味道清甜 ，有滋潤嘅感覺，黃桃係半個份量(罐頭黃桃🤫)，至於西湖雷峰塔純粹係為咗個樣靚所以order咗，亦都係最中伏嘅食品， 螢光青綠色嘅汁，完全食唔出咩味道，塔主體的質感似硬實布甸，成個甜品簡單一句係冇記憶點，同埋一啲味道都冇。 埋單兩位連加一$282，性價比一般， 原因係每個餸菜都細到......好似米芝蓮精品餸菜咁細碟， 但味道就🤨見仁見智😮‍💨🤐。