南燒北鍋 (Closed)

上次黎加拿芬廣場, 食過日本菜時見到以前灣仔的南燒北鍋搬咗黎, 仲改咗有點心食, 火鍋我就食過, 今次黎試吓你啲點心入到去, 普通中式格局, 一張張圓枱, 無晒之前啲卡座位, 牆身貼滿明星們黎幫襯的相同留言. 果然係星級食店圓枱就更方便我地一大班人, 柴娃娃傾計因為我地多人, 佢地仲比咗間VIP房我地添. 一問之下, 原來有幾間VIP房架, 一枱一房, 我未試過飲茶可以有獨立房架, 好正食物方面, 款式算多, 點粉麵飯, 蒸, 炒, 煮, 炸的點心都齊, 仲有小炒, 燉湯添.我覺得比之前在灣仔舖, 更多元化.我地叫咗一枱點心試試, 水準不錯.真係估佢唔到, 做點心都OK喎.最推介係有一個脆脆的腸粉(忘了名), 入面有蝃, 豬肉(我估的), 但真係好好味, 佢比炸兩更脆(入面應該唔係油炸鬼黎), 超好啲,必食推介. 我地多點了幾次.另外仲有一個, 笳子魚肉, 雖然只是笳子配魚肉, 但加醬汁後,宜係好好味.