順豐排骨麵

Open Now

Now Closed

喺銅鑼灣諗唔到食咩，就諗住散步過去天后搵食。行過見到間麵鋪既裝修似係歷史比較悠久嘅老店，所以就入去試喇。麵鋪面積唔係好大，大概有十張枱左右。 可能我哋去嘅時候比較夜，入面得返兩枱客人食緊。我哋叫咗佢嘅招牌排骨擔擔麵同埋五香牛肉擔擔麵。排骨擔擔麵我哋揀咗唔辣，個面同湯抵幾好味，加埋啲花生，幾香口。 炸排骨嘅厚度偏簿，少少甜甜地，味道可以。五香牛肉擔擔麵我哋加咗辣， 比起清湯仲惹味，但唔知關唔關加辣事，定係個牛肉嘅關係，湯面頭有層油， 食落去會覺得有啲膩。 個牛肉係牛展嚟嘅， 似係現成嘅牛展，買返嚟切片就上碟。 牛展唔太熱，比較韌。另外跟餐會送一杯豆漿。豆漿無乜甜味同豆味，比較稀，叫做有野濕下口。