瀧宴日本料理

Open Now

Now Closed

因為繼續放假，持守承諾，繼續留港消費，振興經濟！ （雖然，我應該都唔係好做到啲乜嘢，但係多幫襯樓上鋪，就可能會令到啲樓上舖持續營業多一陣）今日要出一出銅鑼灣搞啲銀行嘢，所以搵左間未食過嘅日本嘢試吓，上到到去第一下俾個開揚景震攝住。服務員問我哋想坐緊窗邊定係鐵板位，我哋猶豫咗一陣，揀咗個鐵板位。因為都可以望到銅鑼灣海旁及維園景（放棄咗望大球場嗰邊）。我見佢有幾個lunch set，所以揀咗個性價比望落比較高嘅（$450左右有九道菜。我見一件壽司都成$100左右，所以最後放棄咗散叫，叫咗個lunch set)個人覺得食物還可以，與價錢成正比。但最重要嘅係食個「景」，拍得住去迴轉餐廳食飯個景。雖然平日下午維園冇乜人，好似冷清咗啲，但係可以是一個好唔錯嘅Me Time。可能，下一次嚟望住景，飲杯酒，都應該唔錯。