Video
Read full review
2023-10-05
1542 views
今次去咗屋企附近一間新開嘅西餐食lunch，呢間餐廳之前係土瓜灣搬咗尼灣仔。新店面向大路嘅方向採用咗落地玻璃，雖然當日天氣唔好又落雨，但餐廳仍然十分光猛舒適，面向嘅大街，星期六並無好繁忙，係中午12點左右亦難得有一份閒適。今次嘅午餐係一個3-course set，因為我哋有3個人，所以揀咗3款唔同嘅main dish share尼試下。至於前菜就有得揀soup of the day，seafood tartare同Caesar salad。當日嘅湯係一個用蕃茄做風味嘅墨西哥燒茄子甜椒湯，先將茄子同甜椒燒過再加入洋蔥蕃茄打成。食材燒過而帶出咗一種煙薰嘅香甜，同蕃茄嘅酸味形成一種平衡，少許嘅辣味來自於墨西哥嘅Chipotle ，酸 甜 辣，呢個湯係一個非常開胃嘅前菜。至於Seafood Tartare就用左新鮮三文魚同呑拿魚，將佢哋dice咗, 加上切成同樣大小嘅車厘茄同牛油果粒, 入口感覺各種新鮮食材融合為一, 口感和諧。結果論，我都係更鐘意佢個湯😋去到重頭戲，主菜！我哋分別揀咗佢哋自家熟成咗45日以上嘅Rib Eye Steak，Carbonara同Sashimi-Grade Salm
新店面向大路嘅方向採用咗落地玻璃，雖然當日天氣唔好又落雨，但餐廳仍然十分光猛舒適，面向嘅大街，星期六並無好繁忙，係中午12點左右亦難得有一份閒適。
今次嘅午餐係一個3-course set，因為我哋有3個人，所以揀咗3款唔同嘅main dish share尼試下。至於前菜就有得揀soup of the day，seafood tartare同Caesar salad。
當日嘅湯係一個用蕃茄做風味嘅墨西哥燒茄子甜椒湯，先將茄子同甜椒燒過再加入洋蔥蕃茄打成。食材燒過而帶出咗一種煙薰嘅香甜，同蕃茄嘅酸味形成一種平衡，少許嘅辣味來自於墨西哥嘅Chipotle ，酸 甜 辣，呢個湯係一個非常開胃嘅前菜。
至於Seafood Tartare就用左新鮮三文魚同呑拿魚，將佢哋dice咗, 加上切成同樣大小嘅車厘茄同牛油果粒, 入口感覺各種新鮮食材融合為一, 口感和諧。
結果論，我都係更鐘意佢個湯😋
Soup du Jour
71 views
0 likes
0 comments
去到重頭戲，主菜！
我哋分別揀咗佢哋自家熟成咗45日以上嘅Rib Eye Steak，Carbonara同Sashimi-Grade Salmon。
先講下條魚，由於呢條Sashimi-Grade嘅三文魚有用鹽麴(Shio Koji) aged過，再加上先慢煮再煎香嘅煮法，所以本身軟糯嘅口感又再被賦予juicy又豐富嘅油脂香氣，既滿足到刺身級嘅口感又滿足到煎三文魚嘅香氣。入口就係一種感動！廚師再另外將魚皮喺料理條三文魚之前先起咗出嚟，然後煎到香脆，同鬆軟嘅魚肉產生強烈對比，算得上presentation同食感都十分唔錯嘅一道Main dish👍🏻
Shio Koji Aged Sashimi-Grade Salmon Mi-cut
95 views
0 likes
0 comments
Carbonara用咗傳統嘅煮法，冇加任何cream純用蛋黃同芝士嘅傳統做法，喺最後階段將意粉離火乳化, 口感綿滑粘膩。
Carbonara Iberico
85 views
0 likes
0 comments
牛扒不得不讚實在係肉味香濃，我哋叫咗Medium-Rare嘅熟度，佢哋自家熟成嘅技術令到牛扒肉味濃縮咗到可以稱得上係舌頭上綻放嘅程度，入口一刻味道大為驚艷！ 雖然熟成令到牛扒口感冇平時咁有嚼勁，但濃烈嘅牛味加上較為柔軟嘅口感可算得上為奇妙地相襯嘅配搭🤝🏻
總括而言主菜3款我都十分滿意🤌🏻
45+ Days Dry-Aged USDA Prime Rib Eye Steak
100 views
1 likes
0 comments
差啲忘記咗佢好特別嘅side dish。
分別係用芹菜頭打成茸整成嘅Mashed potato, 同用各種Grilled vegetable，例如紅蘿蔔等等切碎打成茸整成嘅Mashed potato，形成兩種完全唔同風味嘅配菜，雖然都係薯泥但係完全唔同感覺唔同味道，配搭起魚同牛都展示出唔同嘅層次。
雖然喺呢一個course裏面包埋coffee or tea，但係實在太飽啦，決定留返個胃比甜品Tiramisu！
甜品相對而言比較普通，但配合整個course, 為各種鹹味補返一點甜同苦, 剛好攞返個平衡。
Tiramisu
56 views
0 likes
0 comments
總結就係今次呢個午餐食得十分盡興，食物味道超出我預期，course與course之間以及side dish嘅配搭非常配合。整體環境舒適休閒，員工非常友善，餐點之間嘅介紹詳盡易明。令我好期待下次再來體驗午餐或者晚餐！
Post
