616牛肉火鍋專門店 (積富街)

Open Now

Now Closed

心血來潮大熱天想打邊爐, 朋友介紹下就試下616全牛宴啦！$300零蚊2人餐賣相相當吸引..有清湯同牛雜湯選擇，食開車仔麵習慣叫濃味一點湯底。牛雜湯好足料，有牛肚牛腩蘿蔔，好有街頭小食風味，但為左留肚試牛肉所以無食太多。餐紙介紹牛不同部位同點樣食係最惹味！好多名都係第一次聽，個人覺得牛駝峰點牛肉汁同幾滴青檸最好食，我朋友就非常鐘意食牛骨髓。套餐都有好多菜同烏冬，唔洗怕唔夠飽。整體而言，牛肉種類好多，又可以以每碟$48試多幾款牛肉。下次可以試下清湯，唔會蓋過牛肉鮮味。