Video
Read full review
2012-12-26
541 views
聖誕節正日冇節目，冇地方好去，突然興起想外出，結果想起一直以黎都好想去既Teavers，竟然想去就去，之後都唔知有冇時間去咁遠。西灣河，一個好陌生既地方，如果唔係去Teavers既話都唔會過黎。好彩鋪頭同地鐵站距離唔係太遠，行10-15分鐘已經到，周圍環境舒適寧靜，我最like就係咁地方食野。由於冇食lunch同早餐，入到去一定要勁試。地方唔大，好彩都唔駛等位，入到去店員已經安排入座，坐左陣，睇住個Menu，搵極都搵唔到野食，只係得d 甜品同飲品，心諗，心諗，攪咩呀!!!唔知係唔係店發覺，佢好快同我講話由於野食既Menu得一份，要轉頭先有得睇。咁冇計啦，睇住野飲先。同時間，店員放低咗一大set用test tube裝住既茶葉，店員細心咁介紹唔同既茶葉，感覺好pro，好似真係上緊堂咁，如果有試茶會你話幾好呢!!!! =.=店員行開咗之後，我續隻茶拎黎聞下，唔同既茶有唔同既味道，令我最印象深刻既係"銀針白毫"既茶葉，以前聽得多，知道呢隻茶係幾名貴，第1次見，果然夠香。其次係極品猴子採，個名幾特別，店員介紹完亦有本menu講解每種茶既特點同好處，嘩....好鬼pro呀....肚餓既我睇完茶葉，
西灣河，一個好陌生既地方，如果唔係去Teavers既話都唔會過黎。好彩鋪頭同地鐵站距離唔係太遠，行10-15分鐘已經到，周圍環境舒適寧靜，我最like就係咁地方食野。
由於冇食lunch同早餐，入到去一定要勁試。地方唔大，好彩都唔駛等位，入到去店員已經安排入座，坐左陣，睇住個Menu，搵極都搵唔到野食，只係得d 甜品同飲品，心諗，心諗，攪咩呀!!!唔知係唔係店發覺，佢好快同我講話由於野食既Menu得一份，要轉頭先有得睇。咁冇計啦，睇住野飲先。同時間，店員放低咗一大set用test tube裝住既茶葉，店員細心咁介紹唔同既茶葉，感覺好pro，好似真係上緊堂咁，如果有試茶會你話幾好呢!!!! =.=
店員行開咗之後，我續隻茶拎黎聞下，唔同既茶有唔同既味道，令我最印象深刻既係"銀針白毫"既茶葉，以前聽得多，知道呢隻茶係幾名貴，第1次見，果然夠香。其次係極品猴子採，個名幾特別，店員介紹完亦有本menu講解每種茶既特點同好處，嘩....好鬼pro呀....
肚餓既我睇完茶葉，就立即叫野食，諗住叫個Tiramisu啦，點知話冇貨。哎吔，激死，咁冇就只好唔食甜品啦。Order咗煽腸仔卷同法式迷你莧菜野菌撻、加多個厚砌多士(多4種唔同既醬可供揀選 - 玫瑰花甜桃醬、鮮草莓、百香果芒果、焦糖核桃，正!!!)我揀咗焦糖合桃。野飲就揀咗佢一杯出名既榛子馬騮搣拿鐵。我諗應該食得哂掛...
野飲好快就到，榛子馬騮搣拿鐵，用虹吸既技術黎黎沖茶第1次見，見好似幾pro同幾靚咁，杯野飲應該會唔錯。榛子味夠，唔會太濃，飲多少少馬騮搣同拿鐵味都飲到出黎，好奇怪，冇諗過可以mix埋，亦估唔到咖啡同茶既混合體原來都幾好飲，響冬天呢個咁凍既日子，飲杯暖野一流。值得一提係，隻杯唔會太熱，可以拎住飲，完全唔會太熱，但飲落完來都幾熱，呢個幾細心。
冇幾耐，厚砌多士到喇，肚餓既我立即連拿鐵都唔飲，食野先。我果然冇揀錯焦糖合桃醬，甜甜地既焦糖加上細細粒既合桃，令我諗番起細細個食既花生醬麵包，"4塊厚砌多士，我塊塊都搽到滿哂焦糖合桃醬，好好食，但有d可惜係，多士唔夠熱，如果再暖多少少(當然唔好太熱)就最prefect。
跟住黎既係煽腸仔卷同法式迷你莧菜野菌撻，迷你版，可以一口一個。先試個煽腸仔卷，唔知係唔係太細個呢，只係感受到好少腸仔，少熱味道都叫ok啦，卷得都夠實唔會咁易跌出黎。而個法式迷你莧菜野菌撻，食到好名顯既莧菜味，配合個迷你撻(皮少脆)，好食。一口一個，好好feel。
黎Teavers除咗想試下佢關於茶既出品之外，最特別係佢既環境，好舒服好自在，唔會太迫，亦唔會太趕，近海邊，亦唔會太熱，又一個relax既地方好去處。走之前買咗d茶葉返公司飲，見間鋪頭亦有茶壺茶葉賣，一流啦，未見過咁正既地方。
Post
