AJ's 斯里蘭卡餐廳 (Closed)

次次黎西貢都係食泰菜食炸orea，今次行遠少少去試下全港唯一斯里蘭卡餐廳!木屋小店好有異國情調，未order野食waitor已經畀左餐前小食我地食，脆卜卜蘸一蘸甜酸醬，好開胃!叫左二人套餐($439)，其實完全唔知斯里蘭卡菜係食咩，見到有薄餅、咖哩，應該類似印度菜，餐飲就點左lion beer及Mango Lassi。前菜3選2,揀左斯式雜菜湯及斯式雞肉湯個人中意雞肉湯多d,好似忌廉薯仔濃湯,好味!主菜3選2,揀左斯里蘭卡蕉葉雞飯及咖哩牛配蒜薄餅蕉葉飯入面好多料，雞蛋、炸薯波、腰果、酸菜等配雞肉及黃薑飯，飯偏乾身同埋都幾辣至於咖哩牛明明點左辣但都係越食越辣，所以食左好多薄餅但冇咩食肉，薄餅捲成個山咁有兩大片，正!甜品2選1 揀左特色地道 Watalappam(椰汁吉士)由椰汁、雞蛋、黃糖、豆蔻及其他香料制成既布甸，質感似好濕身既蛋糕，幾特別不過甜左d。