Video
Read full review
2009-07-21
18 views
問朋友拎埋換票證，咁就湊夠飛成家人去睇首映禮。在此要多謝 Openrice 先。睇首映禮前，父親大人話想搵間可以坐得耐既餐廳 ~ 咁就入左去新高麗試試。因為父親大人唔食得太油既食物，所以叫左午餐，而冇食韓燒。叫左三個午餐: 什錦飯, 海鮮湯飯和豬扒湯飯。每個人會有兩碟前菜，三個人即六碟。 前菜: 誠意之作，每款都好精緻。整得最好既係薯仔，燜得好夠腍同埋好入味。而泡菜都好味，酸辣度適中，唔會確喉。其他既都唔錯。 湯: 味道一般，淡淡地，有少少鷄味咁。 什錦飯: 佢用既米飯唔係黏身，係就左香港人口味而轉為我地食開果隻.. 感覺冇咁溜。同埋 D 肉碎冬菇都唔錯，仲有唔少菜伴碟，幾好﹗ 豬扒湯麵: 豬扒似係韓燒完比你的，幾香幾入味.. 但太熟，變左硬左少少。而麵條係幼條同埋比較腍身，湯低清... 好唔好食真係見仁見智。 海鮮湯麵: 幾多料，青口同蝦都新鮮。不過 D 麵條都係比較腍身的。 飯後甜品 (冰糖木瓜雪耳): 第一口飲落去就覺得好甜.. 之後就覺得幾清潤。木瓜雪耳足料的，唔錯﹗餐廳環境幾好，座位舒適寬趟.. 星期六食午市仲可以坐得耐。而我地唔食韓燒，佢就安排我地坐 D 開揚既位，免得被
因為父親大人唔食得太油既食物，所以叫左午餐，而冇食韓燒。叫左三個午餐: 什錦飯, 海鮮湯飯和豬扒湯飯。每個人會有兩碟前菜，三個人即六碟。
前菜: 誠意之作，每款都好精緻。整得最好既係薯仔，燜得好夠腍同埋好入味。而泡菜都好味，酸辣度適中，唔會確喉。其他既都唔錯。
湯: 味道一般，淡淡地，有少少鷄味咁。
什錦飯: 佢用既米飯唔係黏身，係就左香港人口味而轉為我地食開果隻.. 感覺冇咁溜。同埋 D 肉碎冬菇都唔錯，仲有唔少菜伴碟，幾好﹗
豬扒湯麵: 豬扒似係韓燒完比你的，幾香幾入味.. 但太熟，變左硬左少少。而麵條係幼條同埋比較腍身，湯低清... 好唔好食真係見仁見智。
海鮮湯麵: 幾多料，青口同蝦都新鮮。不過 D 麵條都係比較腍身的。
飯後甜品 (冰糖木瓜雪耳): 第一口飲落去就覺得好甜.. 之後就覺得幾清潤。木瓜雪耳足料的，唔錯﹗
餐廳環境幾好，座位舒適寬趟.. 星期六食午市仲可以坐得耐。而我地唔食韓燒，佢就安排我地坐 D 開揚既位，免得被油煙「污染」。同埋佢地既服務態度都唔錯，幾有禮貌，同埋好詳盡咁介紹唔同食物比我地。
埋單 $138，每人平均 $46。以灣仔區，咁既門面，咁既質素，可說是抵食的。見佢 D 自助餐幾吸引，同母親大人決定下次會再去試。
Post
