皇后飯店 (Closed)

第一次黎食，專程黎試下佢個焗豬扒飯，另外叫咗個羅宋湯，蝦多士。羅宋湯幾足料，當中啲肉夠淋，好食，微辣，份量亦足，但稍為杰左少少。餐包有烘熱，外皮有少少脆，如果再熱啲會更佳。蝦多士好大件，夠熱，不過個邊有部份稍為硬左少少，薯條一般，應該唔係即炸，部份變左有啲硬同唔夠熱。焗豬扒飯個飯底我覺得一般，多啲蛋同乾身啲會更佳，豬排唔夠厚同個邊唔脆，但味道係好食的，屬中上。環境乾淨，舒適，待應服務都良好。整體都幾好，不過如果想食焗豬排飯的話我都係會去我鍾意的另外一間較好。