黃色門廚房 (Closed)

因友人請食飯就變成我o既第一次去食私房菜,因自己唔係好熟路加上地方都幾隱蔽關係,呢樹都幾難搵到好彩最後都準時到達但已經變左成個汗水人,入到去環境普通同幾住家feel,最特別可以算係曾生d墨寶,今晚因友人請客關係,菜式方面一早已定唔使大家操心,我地一行十人分別預左.....六小碟:甜酸小王瓜,川味皮蛋,孜然土豆粒,麻辣啼筋,蒜泥白肉,糟毛豆---個人較喜歡"甜酸小王瓜"口感都幾脆,另外"蒜泥白肉"d肉質太"鞋"其他大致上都o.k.喇五主菜:口水雞---上(木台)時個樣都幾靚仔,食落去肉質都叫滑,但整體上太油喇加上唔辣,感覺上較失色!!!四川小炒---因冇試過冇印象煙燻肉排---外形幾討好,食落甜甜地加上肉質唔會太鞋幾好食!清炒時菜---見好似係節瓜粒雖然普通d但可以清一清之前o既油膩感!八寶鴨---糯米都幾入味,而鴨肉好滑同夠味,全晚最為欣賞o既菜式!因友人請客埋單唔知幾多但聽講都差唔多要成2百幾蚊,呢次首試私房菜以個人感覺而言,環境的確可以比人一種較私人及唔使同人迫,但以食物質素同價錢來講我寧願出外面d店舖食!!