犇道 (Moved) New Location

今日中午首試母親介紹新開的日本餐廳，話幾好食值得一去。於是早少少11點9前落去，因為位少（十個位左右），早點一定有位坐。好彩，剛好有兩個位。小弟叫的拉麵，當然第一時間試湯底啦，味道剛剛好，濃郁的麵豉湯底，軟軟的糖心蛋，比較（林）的鳴門卷，牛肉有點失望，老了點（應該是頭尾部分），麵質硬度適中，整體份量充，清底。炸雞味道唔錯，可惜炸漿比較少，唔夠脆口。最後媽咪的牛丼，份量唔少，蛋汁撈飯好食，而且今次牛肉十分嫩（中間部分睇彩數），加上麵豉湯，飽飽走人。這間日式餐廳睇得出食物是有心之作，味道幾好，份量充，價錢中上，位少，但值得翻食。