泰味泰國餐廳

Open Now

Now Closed

🇹🇭🥢🥣香口大碟泰國菜🔔qr code 點餐，設加一✅新鮮豬肉碎生菜包 -$89生菜都多塊，而且大塊新鮮爽口，豬肉碎份量好多，夾雜左吾少洋蔥粒同香料，有d辣但幾惹味。✅咖喱軟殼蟹火山包 -$188個包好大個，起左嘅面包會放旁邊，個包肉都幾軟熟，索晒啲咖喱汁超好味，軟殼蟹切成四件，咖喱汁好正，除咗個包裏面嘅汁，仲有一碗另上，夠撈有餘。裏面仲有三色椒同埋洋蔥等配料。✅馬拉盞炒米粉（雞） -$85可選豬、雞、雜菜，牛或海鮮要加$5。米粉都大碟，除左雞肉，仲有紅蘿蔔、洋蔥、生菜、青椒紅椒、炸蒜等配料，都有少少辣但炒得幾香口。✅冬陰功海鮮湯 - $41 （原價$82）在openrice預先訂位嘅話有四款菜式可以任選一款享有半價優惠，我哋就揀咗冬陰功湯，半價咗只需要40幾蚊，但係份量同正常嘅一樣。個湯都可以裝到至少四碗，海鮮有兩隻青口、四件蝦仁、八爪魚。另外仲有一啲菇。