華達印度餐廳 (重慶大廈)

Open Now

Now Closed

第一次嚟到重慶大廈食 Lunch，有個唔錯嘅體驗，味道相當有水準。華達印度餐廳既員工非常有禮貌同熱情，服務態度都值得一讚。前菜係胡椒餅，香脆可口。成餐飯最為驚艷到我既就係燒春雞，春雞係用熱辣辣既鐵板盛上。雞既外層有獨有既香料味，食落去啖啖肉，份量十足。而且口感外脆內軟，肉質夠嫩滑，食完之後有令人念念不忘既魔力。另外我哋嗌左一份羊肉炒飯，同樣係份量驚人，估唔到兩個人只係嗌人兩樣主菜，最後都食唔晒要打包返屋企。炒飯粒粒分明，夠火侯，而且帶點香辣，非常香口，配埋乳酪一齊食就可以中和返個辣度。成餐飯都非常滿意，下次都會繼續黎重慶大廈「尋寶」😍