法國雪山咖啡 (Moved) New Location

遠道而來食這間位於元朗的法國餐廳，没有令我們失望，水準依然！這裡可先選定主菜再另加$78轉餐，包餐湯、餐飲及甜品。餐湯有onion or mushroom soup, 我較喜歡忌廉蘑菇湯，因其較香濃。主菜和男友一樣食法國香煎鵝肝拼牛柳， 香煎鵝肝香口且入口即溶，牛柳份量十足，medium ware 食最好，没有筋、很林滑！另外，每次來都必定另外叫的白汁煮法國青口，肉質飽滿，很入味，超正，好似都只是百幾蚊！甜品必然之選緊係朱古力心太軟，不過好似有點太甜，但朱古力流心真係好好味！餐飲加$28轉了蘋果酒，男友話啤啤佢wor，死要我陪飲⊙_⊙。不過留意他們只收現金，附近好似無ATM架，所以帶定現金。再者，我估因地方較細，所以booking 分兩時段，6:30至8:30及8:30至10:30，所以店員提我要準時去，否則吾夠時間食！