磊犇 (Closed)

同屋企人喺出邊行過已經聞到香噴噴嘅牛扒味，入到黎嘅時候反而冇想像中嘅油煙感覺。入去之後問侍應攞餐牌，原來喺門口嗰度就已經可以點餐，有三種唔同嘅肉可以選擇同埋每組肉可以選擇唔同重量。因為我鍾意肥同埋霖少少所以就揀咗西冷牛扒。Order完之後就喺隔離俾埋錢坐低等個送餐牌震就可以自己去攞。等緊嘅時候，服務員同我講米飯麵豉湯同埋沙律左嘢飲係自己擺同埋無限量嘅。幾鍾意佢有山楂茶可以揀。等左一陣我個西冷牛扒就到啦！原來啲牛扒只係會主導大約一成熟，之後你可以根據自己嘅喜好去再將牛扒煎熟。我覺得呢種DIY嘅方法都幾好，但係倘若有一張嘅instruction俾啲人去跟，譬如五成熟就需要2分鐘或者七成熟要5分鐘咁就會更加好啦。我自己嘅食法係將份牛扒放喺鐵板上外圍，然後切開一塊塊再戰到大約五成熟咁就食啦。有三種汁可以揀，照燒汁、黑椒汁、同埋芝麻汁。我自己係比較鍾意照燒汁，覺得同啲肉質夾唔錯。值得一提嘅係佢哋肉質非常好，所以係值得呢個價錢我覺得都幾抵食。