Video
Read full review
2017-01-10
80 views
首先講下環境 ，座位雖然唔多 ，但係坐落好舒服 ，唔會逼住逼住咁 。廚房係用開放式嘅設計 ，坐係位度都會聞到陣陣香味！第一樣係《脆多士 燒菠蘿配雲呢嗱雪糕 $69》- 啲菠蘿係菲律賓菠蘿仲經過處理 ，食落果然係唔會好似一般熱帶生果咁食到好痕 ，賣相真係好吸引 ！面頭有啲棉花糖粒同原塊菠蘿 、多士唔係一大件要自己切開 ，係有分開成幾舊 方便到客人食 ，多士好香好脆 ，但係個多士邊稍為硬咗少少 。配上雲呢嗱雪糕同cream ，一凍一熱真係配搭得好好 ，不過分量就有啲飽肚 ，兩個人share就應該啱啱好啦！《霧之花卷 $49 》 - 有三個唔同嘅味道 ，今次我地就試咗薰衣草同香芋 。有一件薰衣草卷 、香芋雪糕同一杯薰衣草茶 。呢個係用咗法國薰衣草 薰衣草卷面層有薰衣草粒 ，卷心係香芋cream ，入口薰衣草同香芋唔會搶咗大家個味 ，仲好夾添 ！香芋雪糕有好香嘅芋頭味 ，隻味好出 ，比平日嘅香芋雪糕嘅味重好多 ！食完個蛋卷再呷一啖薰衣草茶 ，呢個combination好夾 ，如果個卷可以薄啲就更好啦！《甘酒 (凍)玫瑰配雲呢嗱雪糕 $46 》 - 呢款雖然係日本傳統甜品 ，但改良過甜度之後都有
廚房係用開放式嘅設計 ，坐係位度都會聞到陣陣香味！
第一樣係《脆多士 燒菠蘿配雲呢嗱雪糕 $69》- 啲菠蘿係菲律賓菠蘿仲經過處理 ，食落果然係唔會好似一般熱帶生果咁食到好痕 ，賣相真係好吸引 ！面頭有啲棉花糖粒同原塊菠蘿 、多士唔係一大件要自己切開 ，係有分開成幾舊 方便到客人食 ，多士好香好脆 ，但係個多士邊稍為硬咗少少 。配上雲呢嗱雪糕同cream ，一凍一熱真係配搭得好好 ，不過分量就有啲飽肚 ，兩個人share就應該啱啱好啦！
《霧之花卷 $49 》 - 有三個唔同嘅味道 ，今次我地就試咗薰衣草同香芋 。有一件薰衣草卷 、香芋雪糕同一杯薰衣草茶 。呢個係用咗法國薰衣草 薰衣草卷面層有薰衣草粒 ，卷心係香芋cream ，入口薰衣草同香芋唔會搶咗大家個味 ，仲好夾添 ！香芋雪糕有好香嘅芋頭味 ，隻味好出 ，比平日嘅香芋雪糕嘅味重好多 ！食完個蛋卷再呷一啖薰衣草茶 ，呢個combination好夾 ，如果個卷可以薄啲就更好啦！
《甘酒 (凍)玫瑰配雲呢嗱雪糕 $46 》 - 呢款雖然係日本傳統甜品 ，但改良過甜度之後都有啲唔同 。店主話每一日都要花十二小時嘅時間釀製 ，溫度仲要控制係60-70度之間 ，所以係一款好花心思嘅甜品黎呀 ！加上玫瑰汁係淋係雲呢嗱雪糕上面， 玫瑰味好特別 ，但係就可以多返啲 ，但個甘酒實在太好味 ，就咁食已經好正啦!
Post
