猛男廚房

Open Now

Now Closed

今日一個人去咗香港工業中心去批發時裝店行街睇衫👚👕， 行到攰攰地見到中心地庫有幾間餐廳於是決定喺呢到揾嘢食😋🍛地庫有幾間唔同特色嘅餐廳，有韓國、餐廳，意大利餐廳，素食餐廳等等... ,  考慮咗一陣決定試下叫猛男廚房嘅餐廳食午餐。 見餐牌入面主要有薄餅pizza (分別有厚薄大細size選擇)，意大利粉(分別有龍蝦，蜆肉，雞肉，三文魚，卡幫尼選擇) 最特別係原來還有個3分鐘內完成食辣度嘅挑戰如果成功全單馬上可免單，可惜我唔食得太辣. 還有猪牛羊芝士漢堡(分別有單層及雙層漢堡選擇)及手打烏冬。最後我叫明太子龍蝦肉意粉，細厚芝士薄餅及兩支細可口可樂。明太子龍蝦肉意粉明太子鋪滿意粉上面多汁夠creamy, 如果龍蝦肉加多d就更加完美，另外一款細厚芝士薄餅剛出焗爐夠熱有拉絲嘅果效好味，當然唔小得我最鐘意嘅可口可樂啦。