遇見花蓮

Open Now

Now Closed

花蓮一品臭臭鍋（單點$118），小辣，好足料；臭豆腐好吸湯，食落帶有臭味；白豚肉肉質嫩滑，肉味濃香；沙白味道鮮甜；大腸、鴨血食落好新鮮；配料包括有凍豆腐、新竹貢丸、香菇、米血糕、炸枝竹、番茄、娃娃菜、韭菜、椰菜、榨菜絲、粉絲；寬條薯粉，口感爽滑。薑蔥鹽酥雞飯（單點$60），鹽酥雞份量多，好大件，食落啖啖肉，味道鹹香；溏心蛋流心效果突出；略嫌薑蔥食落唔夠香口。古早烤台灣香腸（單點$38），外層食落脆皮，帶有少許脂肪，味道甜鹹，配以生蒜食用，味道更佳。紫菜貢丸湯（跟餐$0），內有紫菜、貢丸、香蔥。古早芋泥三色芋圓（單點$45），芋泥口感粗糙，食落比較有顆粒感，仙草口感滑溜，三色芋圓包括有地瓜圓、芋圓、山藥圓，內有餡，口感外煙韌內軟糯。酸菜（跟餐$0），可以無限添加，口感爽脆，味道酸甜。自家芋泥鮮奶（跟餐$12），芋泥口感幼滑，味道清甜，鮮奶奶味醇厚。黑糖珍珠奶茶（跟餐$12），黑糖珍珠口感彈牙，甜度適中，奶茶茶味濃厚。