鳥華亭

Open Now

Now Closed

今日嚟到灣仔區拉麵名店， 可以話全香港最歷史悠久嘅拉麵店之一 ，仲可能係第一間做雞白湯嘅拉麵店。餐廳由日本人主理， 店面唔算大但真係好似去咗日本咁。 我哋試咗最傳統嘅 特盛雞白湯拉麵 ， 同埋季節限定嘅檸檬雞白湯拉麵。雞白湯拉麵嘅雞白湯非常濃厚， 任得出有雞骨嘅甜味， 又冇其他拉麵店咁鹹， 好欣賞佢嘅配菜特別係炸牛蒡， 麵都有兩款選擇。 至於檸檬雞白湯拉麵油檸檬嘅香味， 酸酸甜甜可以中和做雞白湯， 食落比較清新， 檸檬雖然浸住但去到最後湯底都唔會變苦。叫咗三款小食全部都好好味， 分別係自家製日式餃子明太子釀雞翼同埋炸忌廉蟹肉薯餅， 我哋最鍾意係忌廉蟹肉餅食落非常之creamy。非常值得想食雞白湯拉麵嘅朋友嚟試一試，絕對冇介紹錯。