Video
Read full review
2024-04-19
914 views
15/4/2024映完魔鬼山日落，緊係去醫肚😙喺Open rice 搵咗呢間老友記廚房試吓，即刻覺得好運氣，揀啱咗🥰平靚正！！！ 我哋一行七人嗌咗兩個套餐，$328龍躉三寶(金銀蒜雲耳蒸頭腩、翡翠炒斑片、密椒薯仔牛柳粒）和$238精選三寶（鳳梨生炒骨、豉汁蒸白鱔、椒絲腐乳通菜）另後加咗椒鹽鮮魷，每個小菜都夠鑊氣，又好味，份量都好足夠。還有點菜後餐廳奉送每人一盅無味精靚湯，當晚是眉豆雞腳豬骨湯，好足料亦美味。 我自己就最欣賞個翡翠炒斑片及椒鹽鮮魷，前者味道適中，斑片啖啖肉夠新鮮；後者夠鑊氣，除咗炸蒜蓉外還夾雜咗少少鹹蛋黃令整個鮮魷更加香和惹味，伴酒一流😋 當然餐廳都有進步空間，例如個蒸頭腩有點過火，但味道OK，還有鳳梨生炒骨，用的是薄豬扒，上炸漿後略乾硬，整體味道不俗，賣相好。 重點嚟喇，除咗以上嘅餸，我哋仲嗌咗四支啤酒就三罐汽水和四個白飯，全餐消費只係$892，每人除開只係$127.5, 勁抵食🔥🔥面對北上消費熱潮，香港食肆好難維持，希望呢篇食評可以支持吓呢間良心食店，我哋一定會再幫襯，下次可以試吓個龍蝦伊麵餐，真心期待🥰⋯⋯
我哋一行七人嗌咗兩個套餐，$328龍躉三寶(金銀蒜雲耳蒸頭腩、翡翠炒斑片、密椒薯仔牛柳粒）和$238精選三寶（鳳梨生炒骨、豉汁蒸白鱔、椒絲腐乳通菜）另後加咗椒鹽鮮魷，每個小菜都夠鑊氣，又好味，份量都好足夠。還有點菜後餐廳奉送每人一盅無味精靚湯，當晚是眉豆雞腳豬骨湯，好足料亦美味。
我自己就最欣賞個翡翠炒斑片及椒鹽鮮魷，前者味道適中，斑片啖啖肉夠新鮮；後者夠鑊氣，除咗炸蒜蓉外還夾雜咗少少鹹蛋黃令整個鮮魷更加香和惹味，伴酒一流😋
當然餐廳都有進步空間，例如個蒸頭腩有點過火，但味道OK，還有鳳梨生炒骨，用的是薄豬扒，上炸漿後略乾硬，整體味道不俗，賣相好。
重點嚟喇，除咗以上嘅餸，我哋仲嗌咗四支啤酒就三罐汽水和四個白飯，全餐消費只係$892，每人除開只係$127.5, 勁抵食🔥🔥面對北上消費熱潮，香港食肆好難維持，希望呢篇食評可以支持吓呢間良心食店，我哋一定會再幫襯，下次可以試吓個龍蝦伊麵餐，真心期待🥰⋯⋯
7 views
0 likes
0 comments
Post
